Little Office of the Holy Ghost for Obtaining the True Love of God

Tu procedens a duobus,

Coaequalis es ambobus,

Nulla est disparitas;

Par Majestas Personarum,

Par Potestas singularum,

Et communis Deitas.

Amor Patris, Filiique,

Par amborum, et utrique

Gloria consimilis,

Coelos imples, terras foves,

Mare domas, cuncta moves,

Permanens immobilis.

Tu commutas elementa,

Per te sua sacramenta

Praestant efficaciam.

Tu malignam vim repellis,

Tu subvertis et refellis

Hostium nequitiam.

Te docente nil obscurum,

Te praesente nil impurum,

Cuncta sunt splendida;

Gloriatur mens jucunda,

Per te sana, per te munda,

Gaudet conscientia.

Quando venis, corda lenis,

Quando subis, atrae nubis

Pellitur obscuritas.

Sacer ignis pectus uris,

Non comburis, sed a curis

Eruis, dum visitas.

Mentes prius imperitas,

Et sopitas et oblitas

Instrui et excitas,

Cor ad fidem facis pronum,

Ori muto reddis sonum,

Manans ex te claritas.

O quam felix, quam festiva

Dies, in qua primitiva

Conditur Ecclesia,

Sunt primitias jam vivae,

Neonatae Matris Divae

Tria plebis millia;

Panes Legis primitivi,

Una fiant adoptivi

Fide duo populi;

Nempes duos unum fecit,

Cum duobus se praefecit

Lapis caput anguli.

Tu perversos corde vitas,

Sed sinceros mente ditas

Dono sapientiae,

Veritatem notam facis,

Et ostendis viam pacis,

Semitas justitiae.

Dat liquorem Helisaeus,

Largum fundit rorem Deus,

Ubi vasa vacua,

Utres novi non vetusti

Sunt capaces novi musti,

Sint et nostra pectora.

Sed nec musto vel liquore,

Nec hoc digni sumus rore,

Si discordes moribus.

In obscuris vel divis,

Sancta nequit Paraclysis

Habitare cordibus.

Consolator ergo veni,

Linguas rege, corda leni,

Pelle fel et toxica,

Nil salubre, nil serenum,

Nihil dulce, nihil plenum,

Sine tua gratia.

O ter salubre unguentum!

Aquae ditans elementum

Sacro in baptismate!

Te laudamus mente pura,

Prius irae, ex natura,

Gratiae nunc filii!

Tu quid dator es et donum,

Ex quo omne fluit bonum,

Cor perfunde gaudio,

Tange mentem, purga sordes,

Vinclo pacis fac concordes,

Jugi sis praesidio.

Sicut post Ascensum Christi

Rudes linguis inbuisti

Varis discipulos,

Sic nos vise, sic dignare,

Dissidentes congregare,

Una fide populos.

Demum mortis ab hac valle

Duc ad vitam recto calle,

Laetos de victoria,

Ubi Patris, ubi tui,

Et aeterni Verbi frui

Mereamur gloria.