Little Office of S. Peter, Prince of the Apostles

Petri laudes extollamus,

Nos romanae quotquot stamus

Castris sub ecclesiae,

Alme claviger coelorum,

Rudem ne despexeris chorum

Rhytmo textum simplice!

Nam sic belle concordantes

Qui virtutes tam praestantes

Sat laudari valeant!

Amor, timor, mens sincera,

Zelus, fides, spesque vera

Pari melo consonant;

Est in Petro, quam addidicit

Princeps, quae in servo gliscat,

Adest et humilitas,

Christum sequi hic cunctator,

Ab hoc fundere peccator

Justas discet lachrymas.

Illic proximum juvare,

Deum unice amare:

Et, quos mundus detinet,

Fluxa quaevís aspernari,

Nudos Christum insectari

Petrus nos erudit.

Hunc piscantem, Piscatoris

Ad capturae dignioris

Opus traxit Gratia;

Nam qui iubet sic piscari,

Pisces vitae vult servari,

Quos prehendant retia,

Unde Petrus se vocantis

Nullum Christi tunc patrantis

Signum vel prodigium,

Voci cedit, verbo credit,

Sequi iussus, mox obedit,

Quo vocaret servulum,

Vanis praefert veritatem,

Linquit rete, linquit ratem,

Quin relinquit omnia;

Et, o felix Bar-Jona

Pro his Christus tibi bona,

Regna spondet supera:

Dumque calcas undas maris,

Te nutantem, ne mergaris,

Fida manu detinet,

Fidem quatit dum tempestas

Ejus alma vim potestas

Procellarum cohibet.

Mota Christi quaestione,

Brevi claudit sub sermone

Fidem necessariam;

Hunc personam dicit unam,

Sed naturae opportunam

Simul dat distantiam,

Carni scire, quod negatum,

Sibi Cephas revelatum

Dia profert diphthera

Super quo, perennatura,

Petra tanquam super dura

Conditur Ecclesia,

Quin et sorte, ut miranda

Petre liges, quae liganda,

Rata sint, quae solveris

Christus claves tibi credit,

Quibus Coeli porta cedit,

Pandas, vel occluseris,

Quodque hic est implicatum,

Summus Judex et ligatum

Super astra voluit;

Quae haec dignitas dicenda?

Alta plane et tremenda,

Quam vix sensus percipit.

Transformantis se Messiae,

Moysis simul, et Eliae

Frueris colloquio,

Censens hic manere gratum,

Semper hoc si foret datum

Esse in consortio;

At, quid erit, Majestatem,

Quid aeternis Deitatem

Contemplari gaudiis?

Ubi, junctis tot Beatis,

Una dies claritatis

Mille praestat saeculis,

Petrus posthac Salvatori

Fidus comes, optat mori

Pariter cum Domino;

Zelus calcar est amoris,

Sed et casus est timoris

Jugis admonitio,

Tibi Christus eventurum

Quem praedixit, ne securum

Obruat fiducia,

Sed prostratum Patientis

Anxiumque Resurgentis

Erigat memoria.

Ter negavit quod peccavit,

Kursus Amor expiavit,

Triplex et Confessio:

Hinc sequutos delinquentem

Iam et Petrum poenitentem

Sequi iubet ratio.

Sed quam Christus carum gregem

Det pascendum, prius legem

Charitatis ponderat,

Amat Petrus, contestatur,

Amat: Sed haec tremens satur,

Galli dum meminerat,

Auro carens et argento,

Posthac claudum in momento

Membris donat validis,

Dat Aeneae sanitatem,

Hinc et inde sospitatem

Aegis fert, et miseris,

Quin ad funus dum Tabithae

Venit, suis reddit vitae

Precibus officia.

Sola umbra decumbentes

Porro sanat, et languentes

Ope curat coelica.

Strictam gregis curam gerit,

Defraudantes gravi ferit

Coniuges supplicio,

Fraudes damnant et fallaces,

Quo Divina in mendaces

Mox descendit ultio.

Sed et capto dans custodes

Iners fallitur Herodes

Suo cum satellite,

Quippe vincis relaxatus,

Jam it Petrus liberatus,

Fido cinctus Comite,

Magus utque Petrum odit,

Sic Simonem Petrus prodit

Turpi de flagitio;

Nam volare hic dum quaerit,

Gravi palam lapsu perit

Asfectante Populo;

Unde Nero insfendescens,

Magi lapsum miserescens

Petro fert judicium,

Ut in Crucem sublevetur,

Quo Magistrum imitetur

Pari trabe pendulum.

Dumque Petro Crux paratur,

Crucifigi hic laetatur

Equidem cum Domino,

Sed eodem situ lignum

Haud subire censens dignum

Nisu rogat ultimo:

Pedibus ut elevatis,

Inque terram declinatis

Vertice et manibus

Cruci suae alligetur,

Ne Magistro par tractetur

Servus et Discipulus,

Sic mi Petre! versa cruce

Coelum scandis; Isthac duce

Fac et nos id scandere,

Tuo gregi fores pande

Gnaro, clavium hoc grande

Tibi jus competere,

Oves, tuo quas ovili

Hic in terris haud exili

Cura enutviveras,

Christo tandem Redemptori

Primo redditas Pastori,

Duc ad Agni nuptias,