Little Office of S. Francis of Assisi

Qui odisti sublimia,

Amasti vero vilia,

Francisce hoc munus cape,

Et ad te cor meum rape.

Fac ut ardeat cor meum,

In amando verum Deum;

Quo plus mundo sum abjectus,

Hoc plus Deo sum adlectus.

Deus, qui Ecclesiam tuam

Beati Francisci meritis foetu novae prolis amplificas:

tribue nobis ex ejus imitatione terrena despicere,

et coelestium donorum semper participatione gaudere.

Per Dominum nostrum Jesum Christum Filium tuum,

qui tecum vivit et regnat in saecula saeculorum. Amen.

Me lecte Patrone S. Francisce Seraphice, protector omnium te invocantium,

praeprimis clientum tuorum,

Ecce ego N. N. eligo te in praesentia Sanctissimae Trinitatis,

S. Mariae, S. Josephi, totiusque coelestis curiae

in dilectissimum meum patrem, patronum, et advocatum.

Rogoque, impetra mihi a Deo gratiam,

ut constanter in virtutibus ad imitationem tuam maxime in profundissima humilitate,

abnegatione propria in serventi erga Deum amore me exerceam,

et per intercessionem tuam felicem vitae finem obtineam.

Propono mihi etiam te nunquam derelicturum,

neque contra te aliquid dicturum aut facturum neque permittendum:

ut a meis subditis contra te unquam aliquid agatur.

Obsecro te igitur, suscipe me in servum perpetuum,

et commenda me divinae misericordiae,

sanguineisque vulneribus Crucifixi Jesu.

Adjuva me etiam amantissime pater non solum omni momento vitae meae,

sed et quam maxime in articulo mortis.

Ah! tunc ne deseras me, o Sancte Pater Francisce,

verum protege tunc anxium sub paterno tuo praesidio,

et quidquid infirmitas mea non poterit,

id mihi impetra per tuam potentem intercessionem:

ut omnis sciat ac agnoscat,

quam vere tuorum clientum recordaris.

Beatissime ac Seraphice Pater Francisce,

vere imitator Crucifixi Jesu,

qui te prae omnibus aliis sanctis

singulari amoris honorisque gratia ornavit,

tuam enim animam lumine amoris replevit,

atque in corpore sacratissima vulnera sua renovavit:

per eundem amorem benignissimi Salvatoris nostri Jesu Christi

supplices rogamus, velis semper apud Deum esse adjutor noster,

protector, pater, et advocatus.

O coelestis Seraphim, humillime Francisce,

ora pro nobis, ut passio et mors acerbissima Domini nostri Jesu Christi

non sit nobis reatus ad poenam,

sed intercessio salutaris ad vitam aeternam.

Benignissime Seraphim Sancte Pater Francisce!

nos miseri peccatores fugimus ad te,

et coram te genua flectimus,

nos totos tibi tradimus,

commonefque magni illius amoris quem erga peccatores miseros habuisti,

ita ut a Christo nihil aliud quam peccatorum alienorum remissionem petieris,

vi cujus innumerabiles animae aeterna beatitudine perfruuntur.

Misericordissime Seraphim Sancte Pater Francisce!

miserere omnium morientium,

et ora pro illis ut ante obitum plenariam indulgentiam omnium suorum peccatorum obtinere,

et aeterna gaudia consequi mereantur.

Zelotissime Seraphim Sancte Pater Francisce!

ora pro omnibus in purgatorio animabus existentibus,

ut aspectu Dei quam primum frui queant.

Beatissime Seraphim Sancte Pater Francisce!

non admitte, ut nos miseri peccatores in peccatis nostris moriamur,

verum intercede pro nobis apud Deum,

et impetra indulgentiam plenariam omnium nostrorum peccatorum:

ut a poena liberati ex hac misera vita transitum faciamus ad vitam aeternam,

ubi inter choros angelorum collocati tecum,

et cum illis hunc gaudiosum Deo accinamus applausum:

Sanctus, Sanctus, Sanctus Dominus Deus Sabaoth. Amen.

Domine Jesu Christe!

per vulnus sacratissimum manus dexterae,

quod sincero servo tuo Francisco

in signum singularis gratiae voluisti imprimere:

rogo te, colloca me tandem etiam ad dexteram tuam. Amen.

Pater noster, et Ave Maria, etc.

Domine Jesu Christe!

per sacratissimum vulnus manus sinistrae,

quod sincero tuo servo Francisco

in signum singularis gratiae voluisti imprimere:

quaeso, tribue mihi verum filialem timorem,

et gratiam superandi omnes tentationes. Amen.

Pater noster, et Ave Maria, etc.

Domine Jesu Christe!

per sacratum vulnus dexteri pedis,

quod sincero tuo servo Francisco

in signum singularis gratiae voluisti imprimere:

rogo te, concede mihi verum et perfectum dolorem de peccatis meis,

et duce me recta via ad Patriam coelestem. Amen.

Pater noster, et Ave Maria, etc.

Domine Jesu Christe!

per sacratum vulnus sinistri pedis,

quod sincero tuo servo Francisco

in signum singularis gratiae voluisti imprimere:

rogo te, custodi et libera me ab omni gravi peccato,

omnibusque peccandi occasionibus,

ut per gratiam tuam inferni fauces effugere valeam. Amen.

Pater noster, et Ave Maria, etc.

Domine Jesu Christe!

per vulnus sacratissimi lateris tui,

quod sincero tuo servo Francisco

in signum singularis gratiae imprimere voluisti:

rogo te, concede mihi purum, heroicum,

atque Seraphicum erga Deum amorem. Amen.

Pater noster, et Ave Maria, etc.

Omnes hae devotionis possint per quinque dies Veneris addita sacra confessione et communione ante altare,

vel saltem imaginem Sancti Patris Francisci peragi,

ad obtinendas varias a Deo gratias per intercessionem ejusdem.