Little Office of S. Thomas Aquinas

Gloria Patri.

Laudemus Deum nostrum in commemoratione Sancti Thomae.

Venite, exultemus Domino,

jubilemus Deo salutari nostro,

praeoccupemus faciem eius in confessione,

et in psalmis jubilemus ei.

Laudemus etc.

Gloria Patri et Filio et Spiritui Sancto.

Beatus vir, qui non abiit in consilio impiorum,

et in via peccatorum non stetit,

et in conventu derisorum non sedit,

sed in lege Domini voluntas eius,

et in lege eius meditatur die ac nocte.

Et erit tamquam lignum plantatum secus decursus aquarum,

quod fructum suum dabit in tempore suo;

et folium eius non defluet,

et omnia, quaecumque faciet, prosperabuntur.

Non sic impii, non sic,

sed tamquam pulvis, quem proicit ventus.

Ideo non consurgent impii in iudicio,

neque peccatores in concilio iustorum.

Quoniam novit Dominus viam iustorum,

et iter impiorum peribit.

Florem pudicitiae servans illibatum, attigit eximiae vitae caelibatum.

Pater noster.

Et ne nos etc.

Iube, Domine, benedicere.

Oret piis precibus pro nobis Doctor Angelicus.

Amen.

Beatus Doctor Thomas fuit typus et exemplar omnis virtutis. Omnia corporis membra erant in eo manifesta virtutum exempla: in oculis eius apparebat simplicitas, in facie benignitas, in auribus humilitas, in incessu gravitas, in gestu honestas, in visceribus pietas, in intellectu claritas, in affectu bonitas, in mente sanctitas, in corde caritas. Ad istud ergo perfectissimum omnis virtutis exemplar mentes nostras frequenter convertamus, quod non solum doctrinae lucem, sed etiam amorem sanctitatis in nos transfundat.

Tu autem, Domine, miserere nostri.

Deo gratias.

De excelsis fons sapientiae sancto Thomae infudit copiam, tamquam flumen clarae scientiae, qui susceptam refudit gratiam, dum fluentis summae peritiae. Rigat totam sanctam Ecclesiam.

Stylus brevis, grata facundia; celsa, clara, firma sententia. Rigat, etc.

Iube, Domine, benedicere.

In omni periculo et angustia sit nobis pius Thomas custodia.

Amen.

Perfecto vacans studio, intendebat Deo. Praemittebat divina ut roboraretur in schola: cum, singulis diebus, antequam lecturus ascenderet cathedram, vel distraheretur ad alia, missam unam celebraret, aliam audiret: in quibus, et alias in oratione, cum in illa foret assiduus, lacrimarum effusione mentis suae dulcedinem devotionemque Deo, cui nihil est absconditum, revelabat. Ita scholasticas, et non semel aridas, concertationes temperabat contemplationis dulcedine; ita nectebat studium et orationem, quae falso credunt nonnulli maxime dissidere, et minime valere coniungi.

Tu autem, etc.

Deo gratias.

O anima sanctissima, qua contemplante dulciter, corpus liquebat infirma, stans sursum mirabiliter.

Nullo prorsus fultus subsidio, levabatur in raptus gaudio. Stans, etc.

Iube, Domine, benedicere.

Ad societatem civium supernorum perducat nos Doctor Angelicus.

Amen.

Nullus enarrare sufficeret, quot sanctissimus Thomas theologorum praeconiis celebretur, quantumque eius illibatae doctrinae a summis Pontificibus fuerit acclamatum. Leo autem decimus tertius, libentissime excipiens postulationes et vota omnium pene Sacrorum Antistitum Orbis catholici, ad tot praecipue philosophorum systematum a veritate aberrantium luem propulsandam, ad incrementa scientiarum, et communem generis humani utilitatem, eum, ex Sacrorum Rituum Congregationis consulto, per Apostolicas litteras, caelestem Patronum Scholarum omnium catholicarum declaravit et instituit.

Tu autem, etc.

Deo gratias.

Sertum gestans cum torque duplici, cappa gemmis ornata cernitur, ex monili fulgoris caelici lux emissa mundo diffunditur. Augustinus fratri sic loquitur:

Thomas mihi par est in gloria: virginali praestans munditia. Augustinus, etc. Gloria Patri etc.

Augustinus, etc.

Te Deum laudamus, te Dominum confitemur.

Te aeternum Patrem, omnis terra veneratur.

Tibi omnes Angeli, tibi coeli, et universae potestates.

Tibi Cherubim et Seraphim, incessabili voce proclamant:

Sanctus, Sanctus, Sanctus, Dominus Deus Sabaoth.

Deus, qui Ecclesiam tuam beati Thomae, confessoris tui atque doctoris, mira eruditione clarificas, et sancta operatione foecundas: da nobis, quaesumus, et quae docuit, intellectu conspicere, et quae egit, imitatione complere. Per Christum, etc.

Amen.

Laudate Dominum, omnes gentes;

collaudate eum, omnes populi.

Quoniam confirmata est super nos misericordia eius,

et veritas Domini manet in aeternum.

Collaudetur Christus Rex gloriae, qui per Thomam lumen Ecclesiae, mundum replet doctrina gratiae.

Elegit eum Dominus ex omni carne, et dedit illi coram praecepta et legem vitae et disciplinae, docere Iacob testamentum suum et iudicia sua Israel.

Deo gratias.

Benedictus Dominus Deus Israel; quia visitavit et fecit redemptionem plebi suae,

et erexit cornu salutis nobis, in domo David pueri sui,

sicut locutus est per os sanctorum, qui a saeculo sunt, prophetarum eius,

salutem ex inimicis nostris, et de manu omnium, qui oderunt nos;

ad faciendam misericordiam cum patribus nostris, et memorari testamenti sui sancti,

iusiurandum, quod iuravit ad Abraham patrem nostrum, daturum se nobis,

ut sine timore, de manu inimicorum liberati, serviamus illi

in sanctitate et iustitia coram ipso omnibus diebus nostris.

Et tu, puer, propheta Altissimi vocaberis: praeibis enim ante faciem Domini parare vias eius,

ad dandam scientiam salutis plebi eius in remissionem peccatorum eorum,

per viscera misericordiae Dei nostri, in quibus visitabit nos oriens ex alto,

illuminare his, qui in tenebris et in umbra mortis sedent,

ad dirigendos pedes nostros in viam pacis.

Vigor carnis flore munditiae, vigor vitae fructu iustitiae,

splendor verbi dono scientiae, te decorant stantem in acie,

te coronant in statu gloriae.

Deus, qui Ecclesiam tuam beati Thomae, confessoris tui atque doctoris, mira eruditione clarificas, et sancta operatione foecundas:

da nobis, quaesumus, et quae docuit, intellectu conspicere, et quae egit, imitatione complere. Per Christum Dominum nostrum.

Amen.

Amen.

Deus, in nomine tuo salvum me fac,

et in virtute tua iudica me.

Deus, exaudi orationem meam,

auribus percipe verba oris mei.

Quoniam alieni insurrexerunt adversum me,

et fortes quaesierunt animam meam,

et non proposuerunt Deum ante conspectum suum.

Ecce enim Deus adiuvat me:

et Dominus susceptor est animae meae.

Amen.

Doctor Thomas, repletus gratia, praemonstratus sacris oraculis,

mundi, carnis, hostisque vitia fugat, exemplar datum saeculis.

Beatus vir, qui suffert tentationem, quoniam, cum probatus fuerit, accipiet coronam vitae, quam repromisit Deus diligentibus se.

Deo gratias.

Iesu Christe, Fili Dei vivi,

Prece Doctoris caelici. Iesu, etc.

Tibi praesta nos gratos effici.

Prece, etc. Gloria Patri, etc. Iesu, etc.

Deus, qui Ecclesiam tuam beati Thomae, confessoris tui atque doctoris, mira eruditione clarificas, et sancta operatione foecundas:

da nobis, quaesumus, et quae docuit, intellectu conspicere, et quae egit, imitatione complere. Per Christum Dominum nostrum.

Amen.

Amen.

Domine, quis habitabit in tabernaculo tuo?

aut quis requiescet in monte sancto tuo?

Qui ingreditur sine macula,

et operatur iustitiam.

Qui loquitur veritatem in corde suo,

qui non egit dolum in lingua sua.

Amen.

Mentis innocentia, flosque puritatis extiterunt praevia luci veritatis.

Elegit eum Dominus ex omni carne, et dedit illi coram praecepta et legem vitae et disciplinae, docere Iacob testamentum suum et iudicia sua Israel.

Deo gratias.

Sancte Thoma, audi rogantes servulos. Sancte, etc.

Et impetratam nobis caelitus tu defer indulgentiam. Audi, etc.

Gloria Patri, etc. Sancte Thoma, etc.

Deus, qui Ecclesiam tuam beati Thomae, confessoris tui atque doctoris, mira eruditione clarificas, et sancta operatione foecundas:

da nobis, quaesumus, et quae docuit, intellectu conspicere, et quae egit, imitatione complere. Per Christum Dominum nostrum.

Amen.

Amen.

Domine, non est exaltatum cor meum

neque elati sunt oculi mei,

neque ambulavi in magnis,

neque in mirabilibus super me.

Si non humiliter sentiebam,

sed exaltavi animam meam

sicut ablactatus est super matre sua,

ita retributio in anima mea.

Amen.

O munus Dei gratiae, vincens quodvis miraculum!

Pestiferae superbiae nunquam persensit stimulum.

Ipse tanquam imbres mittet eloquia sapientiae suae,

et palam faciet disciplinam doctrinae eius,

collaudabunt multi sapientiam eius,

et usque in saeculo non delebitur.

Deo gratias.

Pie scholarum Patrone, tuorum memor operum. Pie, etc.

Sta coram summo iudice pro tuo coetu pauperum. Tuorum, etc.

Gloria Patri, etc. Pie, etc.

Deus, qui Ecclesiam tuam beati Thomae, confessoris tui atque doctoris, mira eruditione clarificas,

et sancta operatione foecundas:

da nobis, quaesumus, et quae docuit, intellectu conspicere,

et quae egit, imitatione complere.

Per Christum Dominum nostrum.

Amen.

Amen.

Nisi Dominus aedificaverit domum,

in vanum laboraverunt qui aedificant eam.

Nisi Dominus custodierit civitatem,

frustra vigilat qui custodit eam.

Amen.

Felix Doctor, cuius solatio Angelorum servit attentio:

Petrus, Paulus favent obsequio, Dei Mater mulcet adloquio.

Laetatus sum, quoniam antecedebat me ista sapientia,

quam sine fictione didici, et sine invidia communico,

et honestatem illius non abscondo.

Deo gratias.

Magne Pater, sancte Thoma, mortis hora nos tecum suscipe. Magne, etc.

Et hic semper nos pie respice. Mortis, etc.

Gloria Patri, etc. Magne, etc.

Sancte Thoma, lumen Ecclesiae.

Intercede pro nobis ad Dominum Deum nostrum.

Deus, qui Ecclesiam tuam beati Thomae, confessoris tui atque doctoris, mira eruditione clarificas, et sancta operatione foecundas: da nobis, quaesumus, et quae docuit, intellectu conspicere, et quae egit, imitatione complere.

Per Christum Dominum nostrum.

Amen.

Amen.

Beatus vir, qui timet Dominum,

in mandatis eius volet nimis.

Potens in terra erit semen eius,

generatio rectorum benedicetur.

Gloria et divitiae in domo eius,

et iustitia eius manet in saeculum saeculi.

Amen.

Qui timet Dominum, in mandatis eius cupit nimis.

Magnificat anima mea Dominum,

et exsultavit spiritus meus in Deo salutari meo,

quia respexit humilitatem ancillae suae.

Ecce enim ex hoc beatam me dicent omnes generationes,

quia fecit mihi magna qui potens est,

et sanctum nomen eius.

Et misericordia eius a progenie in progenies

timentibus eum.

Fecit potentiam in brachio suo,

dispersit superbos mente cordis sui.

Deposuit potentes de sede,

et exaltavit humiles.

Esurientes implevit bonis,

et divites dimisit inanes.

Suscepit Israel puerum suum,

recordatus misericordiae suae,

sicut locutus est ad patres nostros,

Abraham et semini eius in saecula.

O Thoma, laus et gloria Praedicatorum Ordinis,

nos transfer ad caelestia, professor sacri Nominis.

Deus, qui Ecclesiam tuam beati Thomae, confessoris tui atque doctoris, mira eruditione clarificas,

et sancta operatione foecundas:

da nobis, quaesumus, et quae docuit, intellectu conspicere,

et quae egit, imitatione complere.

Per Christum Dominum nostrum.

Amen.

Amen.

Ecce nunc benedicite Dominum,

omnes servi Domini,

Qui statis in domo Domini,

in atriis domus Dei nostri.

Amen.

Liber carnis vinculo, coelum introivit,

ubi pleno poculo gustat quod sitivit.

In medio Ecclesiae aperuit os eius;

et implevit eum Dominus spiritu sapientiae et intellectus;

stolam gloriae induit eum.

Deo gratias.

Nunc dimittis servum tuum, Domine,

secundum verbum tuum in pace:

Quia viderunt oculi mei salutare tuum,

Quod parasti ante faciem omnium populorum,

Lumen ad revelationem gentium,

et gloriam plebis tuae Israel.

O speculum munditiae, carnis carens spurcitiis,

tuae colentes hodie felicitatis gaudia,

transfer ad regnum gloriae, post huius vitae stadia.

Deus, qui Ecclesiam tuam beati Thomae, confessoris tui atque doctoris, mira eruditione clarificas,

et sancta operatione foecundas:

da nobis, quaesumus, et quae docuit, intellectu conspicere,

et quae egit, imitatione complere.

Per Christum Dominum nostrum.

Amen.