Psalmus: 12

Usquequo, Domine, oblivisceris me in finem? Usquequo avertis faciem tuam a me?

Quamdiu ponam consilia in anima mea, dolorem in corde meo per diem?

Usquequo exaltabitur inimicus meus super me? Respice et exaudi me, Domine Deus meus.

D Illumina oculos meos, ne unquam obdormiam in morte; nequando dicat inimicus meus: Prævalui adversus eum.

Qui tribulant me exsultabunt, si motus fuero;¹ ego autem in misericordia tua speravi.

Exsultabit cor meum in salutari tuo; cantabo Domino, qui bona tribuit mihi, et psallam nomini Domini altissimi.

Gloria Patri.

Ant. Caritas Dei diffundatur in cordibus nostris per Spiritum Sanctum:² quem, Domine Pater, tribuas nobis.³⁴

Hymnus.

Boet. De Consolat. lib. 1, metr. 5.

O stelliferi Conditor orbis, Qui perpetuo nixus solio, Rapido cœlum turbine versas, Legemque pati sidera cogis : Omnia certo fine gubernas, Rerum namque fœdera nectis.

O superfelix Trinitas, In qua omnis nobilitas, Fac nos semper petere Quod nobis scis proficere, Æternis ut te laudibus Laudemus in cœlestibus.

Te, summa, Deus, Trinitas, Collaudet omnis spiritus ; Te rerum universitas Adoret, laudet penitus. Quos in fide catholica Salvas, rege per sæcula. Amen.

Footnotes

1. Ps. xii, 1-6. ↩

2. Rom. v, 5. ↩

3. I Joann. v, 20. ↩

4. II Cor. xiii, 13. ↩