Tit. CXXXII. De tribus adversitati opponendis.

Adversitate tria sunt opponenda: electorum agones et angustiae, quas patiuntur qui pie vivunt; Redemptoris afflictiones et molestiae, quas ei saevissimi principes intulerunt; dispositio moderatricis justitiae, cujus altitudinem quasi virgae Joseph summitatem non discutere, sed adorare debemus. Haec sunt illa tria: ostia, vectes, termini, quibus Dominus circumdat mare saeculi (Job XXXVIII).