Caput IX. De dedicatione domus Domini.

Fecerunt filii Israel sacerdotes, et Levitae, et reliqui filiorum transmigrationis, dedicationem domus Domini in gaudio (I Esdr. VI). Recte dedicatur templum a sacerdotibus, et Levitis, et reliquis filiorum transmigrationis in gaudio, quia correctis peccatoribus, fit gaudium in coelo coram angelis Dei (Luc. XI), et magistris qui pro eorum salute laboraverunt, et pro omnibus qui de confusione peccatorum ad virtutum arcem, terram scilicet promissionis, mente et opere transmigraverunt. Sacerdotes, et Levitae, et omnis populus in dedicatione restauratae domus gaudent, quia omnes doctores Ecclesiae de reconciliatis per poenitentiam peccatoribus gauden