Lettre CXXXIV. À M. Aaron Pothon

(INÉDITE)

Demande de pièces nécessaires à la poursuite d'un procès.

Annecy, 15 mai 1600. Monsieur,

Cependant que j'ay suivi le proces que j'ay eü avec messire Nicolas Balli pour la parrochiale du Petit Bornand * par devant les juges lais pour le possessoire, j'ay laissé en surseance la poursuitte de l'adjournement que j'avoys eu a Vienne des que maistre Coquin se presenta pour moy et vous constitua mon procureur, il y a environ deux ans. Maintenant, desirant reprendre les arremens dudit proces, auquel je m'estois praesenté, je vous supplie de m'envoyer les lettres necessaires a ces fins pour, au moyen d'icelles, poursuivre par apres mon droit ainsy que je seray conseillé. Et je vous tiendray tres bonne et entiere rayson de toute la despense que vous m'accuseres par vostre lettre que j'attens en response de la praesente, par voye de monsieur de Medio, chanoyne a Lion .

A tant je vous salue tres affectionnement, demeurant,

Monsieur,

Vostre affectionné serviteur,

FRANÇs DE SALES,

Praevost de St Pierre de Geneve.

A Annessi, le 15 may 1600. A Monsieur

Monsieur Aaron Patton, Procureur a Vienne.

Revu sur l'Autographe conservé à la Visitation de Romans.