Little Office Against Evil Spirits

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Crux ✠ Christi, crux ✠ sancta.

Ecce signum ✠ crucis Domini nostri Jesu Christi, fugite partes adversae:

vicit leo de tribu Juda, radix David.

Hoc signum ✠ crucis erit in coelo, dum Dominus ad judicandum venerit.

Per signum sanctae ✠ crucis, Jesus per medium eorum ibat, et confundebat inimicos suos.

Per signum sanctae ✠ crucis obscurentur oculi eorum, ne videant,

et dorsum eorum semper incurva.

Per signum sanctae crucis de inimicis nostris libera nos Deus noster.

Ostende mihi Domine sanctam ✠ crucem tuam,

et in nomine suo salvum me fac, et in virtute sua libera me.

Domine in virtute sanctae ✠ crucis vade inter super inimicos meos formido et pavor.

In conspectu sanctae ✠ crucis stant immobiles quasi lapides, donec pertranseat populus tuus, quem possedisti.

Salvator meus per ✠ crucem tuam salvum me fac,

qui per sanguinem et crucem tuam salvasti mundum.

Crux ✠ Christi semper pretiosa salva nos omnibus diebus vitae nostrae.

Crux ✠ Christi, Jesu sanguine rubricata, defende nos a furore inimicorum tuorum.

O bona ✠ crux Christi! illumina oculos meos,

ne unquam obdormiam in morte,

ne quando dicat inimicus meus: praevalui adversus eum.

In conspectu tuo, o ✠ crux Christi, locutus sum in lingua mea.

Notum fac mihi finem meum, et numerum dierum meorum,

ut sciam quid desit mihi.

Domine, ✠ crux sancta tua fac mecum signum in bonum, ut videant, qui oderunt me,

et confundantur, quoniam tu Domine adjuvisti me et consolatus es me.

Dirupisti Domine per ✠ crucem tuam vincula mea:

tibi sacrificabo hostiam laudis, et nomen crucis tuae invocabo.

Per sanctam ✠ crucem tuam Domine pertraxi fugam a me,

et non est, qui requirat animam meam.

Clamavi ad te ✠ crux benedicta, dixi:

Tu es spes mea et portio mea in terra viventium.

Adoro te, ✠ crux gloriosa,

et in brachia tua commendo spiritum meum:

redemisti me crux magistra veritatis.

Confiteantur tibi ✠ crux admirabilis omnia opera Dei,

et sancti ejus semper benedicant tibi.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Crux ✠ Christi, crux ✠ sancta, crux venerabilis et benedicta,

crux Christi ✠ via, veritas, et vita;

crux ✠ dulcis et amabilis, crux decora et appreciabilis,

semper sis mihi contra inimicos meos virtus, et victoria inexpugnabilis.

Deus propitius esto mihi peccatori,

et per sanctam ✠ crucem tuam esto custos mei omnibus diebus vitae meae.

Deus Abraham ✠, Deus Isaac ✠, Deus Jacob ✠, miserere mei,

et mitte in adjutorium meum sanctum archangelum tuum Michaelem,

qui me custodiat, protegat, soletur, visitet,

atque defendat ab inimicis meis visibilibus et invisibilibus,

ac ab ejus superna virtute omnes perterriti fugiant et pereant.

Per crucem ✠ et passionem Domini nostri Jesu Christi.

Qui tecum vivit et regnat in saecula saeculorum. Amen.