Midnight Office According to the Mozarabic Rite

℣. Deus in adjutorium meum intende.

℟. Domine ad adjuvandum me festina.

℣. Gloria Patri, et Filio, et Spiritui Sancto.

℟. Sicut erat in principio, et nunc, et semper, et in saecula saeculorum. Amen.

℣. Dominus sit semper vobiscum.

℟. Et cum spiritu tuo.

Sicut cervus desiderat ad fontes aquarum, ita desiderat anima mea ad te Deus.

Sitivit anima mea ad Deum vivum: quando veniam, et apparebo ante faciem Dei?

Fuerunt mihi lacrimae meae panes die ac nocte, dum dicitur mihi quotidie: Ubi est Deus tuus?

Haec recordatus sum, et effudi in me animam meam: quoniam transibo in locum tabernaculi admirabilis, usque ad domum Dei.

In voce exsultationis et confessionis, sonus epulantis.

Quare tristis es anima mea, et quare conturbas me? Spera in Deo, quoniam confitebor illi: salutare vultus mei, et Deus meus.

Ad meipsum anima mea turbata est: propterea memor ero tui de terra Jordanis et Hermoniim, a monte modico.

Abyssus abyssum invocat, in voce cataractarum tuarum.

Omnia excelsa tua et fluctus tui super me transierunt.

In die mandavit Dominus misericordiam suam: et nocte canticum ejus, apud me oratio Deo vitae meae.

Dicam Deo: Susceptor meus es. Quare oblitus es mei? et quare contristatus incedo, dum affligit me inimicus?

Dum confringuntur ossa mea, exprobraverunt mihi qui tribulant me inimici mei: dum dicunt mihi per singulos dies: Ubi est Deus tuus?

Quare tristis es anima mea, et quare conturbas me? Spera in Deo, quoniam confitebor illi: salutare vultus mei, et Deus meus.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Ecce quam bonum et quam iucundum habitare fratres in unum.

Sicut unguentum a capite quod descendit in barbam, in barbam Aaron, quod descendit in ora vestimenti ejus.

Sicut ros Hermon quod descendit in montem Syon.

Quoniam illic mandavit Dominus benedictionem, et vitam usque in saeculum.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Ecce nunc benedicite Dominum omnes servi Domini.

Qui statis in domo Domini in atriis domus Dei nostri.

In noctibus extollite manus vestras in sancta et benedicite Dominum.

Benedicat tibi Dominus ex Syon qui fecit caelum et terram.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Nostra conversatio fratres in caelis est unde etiam salvatorem expectamus Dominum nostrum Iesum Christum

qui reformabit corpus humilitatis nostrae, conforme corpori claritatis suae secundum operationem

qua possit etiam subjicere sibi omnia.

Nos ergo fratres, sic curramus ut comprehendamus; sic contendamus ut coronemur; sic perseveremus ut perveniamus.

Quaecumque sunt vera, quaecumque pudica, quaecumque justa, quaecumque sancta, quaecumque amabilia, quaecumque bonae famae,

haec cogitate, haec agite.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

℣. Dominus sit semper vobiscum.

℟. Et cum spiritu tuo.

Alleluia, alleluia. Media nocte clamor factus est: Ecce sponsus venit, exite obviam ei.

℣. Alleluia.

Oleo recondite in vasis vestris ut lampades vestrae semper accensae sint.

℟. Alleluia, alleluia.

Quod quod voluisti artubus

somno gravatis, torpore,

de iuramentis in somnio,

turpique fluxu in semine.

Fusis pater piissime,

expostulamus fletibus,

ut iam recedant sordida

ludibrium phantasmata.

Laba quod hostis polluit,

quod sordidavit innoua

mundemus omnes sordibus,

carnis gravatae spiritus.

Praesta, Pater Piissime,

Patrique compar Unice,

Cum Spiritu Paraclito

Regnans per omne saeculum.

Amen.

Credo in Deum Patrem omnipotentem. Et in Iesum Christum filium eius, unicum Deum et Dominum nostrum.

Qui natus est de Spiritu Sancto et Maria Virgine. Passus sub Pontio Pilato, crucifixus et sepultus.

Descendit ad inferna. Tertia die resurrexit vivus a mortuis. Ascendit ad caelos, sedet ad dexteram Dei Patris omnipotentis.

Inde venturus iudicare vivos et mortuos. Credo in Sanctum Spiritum. Sanctam Ecclesiam Catholicam.

Remissionem omnium peccatorum. Carnis huius resurrectionem et vitam aeternam.

℟. Amen.

℣. Fiat Domine misericordia tua super nos: sicut speravimus in te.

℟. Kyrie eleison.

℟. Kyrie eleison.

℟. Kyrie eleison.

℣. Pater noster, qui es in caelis.

℟. Amen.

℣. Sanctificetur nomen tuum.

℟. Amen.

℣. Adveniat regnum tuum.

℟. Amen.

℣. Fiat voluntas tua, sicut in caelo, et in terra.

℟. Amen.

℣. Panem nostrum quotidianum da nobis hodie.

℟. Quia Deus es.

℣. Et dimitte nobis debita nostra, sicut nos dimittimus debitoribus nostris.

℟. Amen.

℣. Et ne nos inducas in tentationem.

℟. Sed libera nos a malo.

Deus miserere, Deus miserere, Deus miserere, Deus miserere, Deus miserere.

℣. Tu sana infirmos, ruccos caitiuos, colligo dispersos, subueni oppressis, succurre defunctis.

℟. Deus miserere, Deus miserere, Deus miserere, Deus miserere, Deus miserere.

℣. Tu dele peccata, ignosce delicta, cole penam et extingue flammam, Deus miserere.

℣. Tu passus pro nobis tu uictor perhennius tu uia salutis clemens parce nobis.

℟. Deus miserere, Deus miserere, Deus miserere, Deus miserere, Deus miserere.

℣. Consolare ingentes letifica mentes, gratiam da pupillis itinerantium peregrinis requiem defunctis.

℟. Deus miserere, Deus miserere, Deus miserere, Deus miserere, Deus miserere.

℣. Plasmasti me miserere mei.

℟. Consolare ingentes letifica mentes, gratiam da pupillis itinerantium peregrinis requiem defunctis.

℣. Manus tue domine ipse fecerunt me miserere mei.

℟. Consolare ingentes letifica mentes, gratiam da pupillis itinerantium peregrinis requiem defunctis.

℣. Dole domine iniquitates meas.

℟. Qui plasmasti me miserere mei.

℣. Tibi soli peccaui deus miserere mei.

℟. Qui plasmasti me miserere mei.

℣. Auerte domine faciem tuam a peccatis meis et miserere mei.

℟. Qui plasmasti me miserere mei.

℣. Tu scis domine quia peccaui tibi te precor domine miserere mei.

℟. Consolare ingentes letifica mentes, gratiam da pupillis itinerantium peregrinis requiem defunctis.

℣. Dominus vobiscum.

℟. Et cum spiritu tuo.

Misericordiam tuarum domine imbrem super nos famulos tuos miseratus infunde et nostrarum imprecatiorum clamorem intendens omnia de decora facinora dele statque eterne omnipotens deus munus hoc acceptabile in conspectibus glorie tue quod pro ualitudine cunctorum fidelium pro reditu ad propria captiuorum pro collatione omnium dispersorum pro ereptione etiam oppressorum pro requiem omnium fidelium defunctorum antea tibi intento deferri conspicimus ut, quod aduentum glorie tue sollicite abstinentibus huius noctis iam medio tempore sanctissimi psalmo die ministerii seruientis exurgentes, nostrarum tibi facimus exorationum clamores. Tu pius exaudi, Tu clemens exaudi, Tu propicius fave, qui solus intenti nostri desiderii uales considerare facilime sentiamus loca que a latiaque ob hoc misericordie tue largissimum cuncium tutelam nos protectius esse ab nissu pestifero demonum varie in huius mundi tenebrosarum uiarum spacium quandoque illuc pertingere doci perfuere mereamur lumen eternum.

℟. Amen.

℣. Precede nos, lumen diuitatis tue, Deus noster, qui vivis et omnia regis in saecula saeculorum.

℟. Amen.

℣. Sufficientia cum pace.

℟. Deo gratias.

Miserere nobis domine miserere nobis et mittantes quas gessimus de metipsos accipiamus indulgentie digneris, que tanta est misericordia pietatis tue ut tandiu nos speriens errantes donec lapsos erigas ad salutem, et confitentes et perducis ad requiem.

℟. Amen.

℣. Precedete nos, lumen divinitatis tue, Deus noster, qui vivis et omnia regis in saecula saeculorum.

℟. Amen.

℣. Sufficientiam cum pace.

℟. Deo gratias.

Surge et lauda in nocte et in principio vigiliarum tuarum effunde sicut aqua cor tuum in conspectu domini.

Leua ad deum manus tuas pro remedio peccatorum tuorum.

℣. Dominus sit semper vobiscum.

℟. Et cum spiritu tuo.

Queso domine deus celi fortis magne atque terribilis qui custodis pactum et misericordiam cum his qui te diligunt et custodiunt mandata tua.

Fiant aures tue auscultans et oculi tui aperti, ut audias orationem servi tui, que ego oro coram te hodie nocte et die pro filiis israhel servis tuis.

Et confiteor pro peccatis filiorum israhel in quibus peccaverunt tibi et ego domus patris mei.

Peccavimus vanitatem seducti sumus, et non custodivimus mandatum et ceremonias atque judicia que precepisti moysi servo tuo.

Memento verbi quod mandasti moysi famulo tuo dicens.

Cum transgressi fueritis dispergam vos in populos, et si reuertiamini ad me et custodieritis mandata mea et faciatis ea, etiamsi adducti fueritis ad extremam celi faciem inde congregabo vos, et inducam in locum que elegi ut habitare nomen meum ibi.

Et ipsi servi tui et populus tuus, quos redemisti in fortitudine tua magna, et in manu tua valida.

Obsecro domine sit auris tua adtendens ad orationem servi tui, et ad orationum servorum tuorum qui volunt timere nomen tuum.

Dirige corum tuorum hodie et da eis misericordiam coram homine hunc.

Gloria, et honor Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Deus altissimus magnanimis miserator et multe misericordie patiens super mala hominum,

Tu ergo domine secundum multitudinem bonitatis tuae, promisisti indulgentiam et remissionem delinquentibus tibi et habundantiam misericordie tuae statuisit penitentiam peccatoribus ad salutem,

Tu ergo domine deus iustorum non posuisti penitentiam iustis tuis Abram Ysaac et Iacob qui non peccaverunt tibi,

sed posuisti penitentiam mihi peccatori.

Quoniam super numerum arenae maris habundaverunt iniquitates meae et non est declinatio multitudinis delictorum meorum.

Et nunc incurvo genua cordis, deprecor clementiam tuam petens multis iniquis ferreis ad non erigendum caput,

Quoniam non sum dignus aspicere et videre misericordiam celi pre iniquitatibus meis,

Nunc igitur inclina cor meum in patientia tua et remitte peccata mea, statuas abominationes et multiplices odiositates.

Nunc flecto genua cordis mei precans ad bonitatem.

Peccavi domine peccavi, peccavi et iniquitatem meam ego agnosco.

Ne perdas me cum iniquitatibus meis, neque in finem iratus contineas mala mea neque condemneris me cum his qui sunt in inferiore terra.

Tu es enim deus penitentium ut in me ostendas bonitatem tuam.

Indignum me salvas domine secundum multitudinem misericordie tuae et glorificabo nomen tuum in omni vita mea,

Quoniam te laudat omnis virtus caelorum et tibi est gloria in saecula saeculorum.

Miserere nostri deus omnium et respice nos et ostende nobis lumen miserationis tuae.

Et immitte timorem tuum super gentes quae non exquisierunt te ut cognoscant quia non est deus nisi tu et narrent magnalia tua,

Alleva manum tuam super gentes alienas ut videant potentiam tuam.

Sicut enim in conspectu eorum sanctificatus es in nobis sic in conspectu nostro, magnificaberis in illis,

et cognoscant sicut nos cognovimus, quoniam non est deus preter te domine.

Innova signa et immuta mirabilia,

Glorifica manum et brachium dextrum,

Excita furorem et effunde iram,

Extolle adversarium et afflige inimicum,

Festina tempus et memento finis ut enarrent magnalia tua,

In ira flamme devorentur qui saluantur et qui pessimiant plebem tuam inveniant perditionem,

Contere caput principum inimicorum dicentium non est alius preter nos,

Congrega omnes tribus iacob et cognoscant quia non est deus nisi tu et narrent magnalia tua et hereditabunt eos sicut ab initium.

Miserere plebi tue super quam invocatum est nomen tuum, et srl israhel quem coequasti primogenito tuo,

Miserere civitatis sanctificationis tue hierusalem civitati requiei tuae,

Reple Syon inenarrabilibus virtutibus tuis et plebem tuam lauda populum tuum.

Da testimonium qui hab initio creature tue sunt et suscita precationes quas locuti sunt in nomine tuo prophete priores.

Da mercedem sustinentibus te ut inveniant fidem et exaudi orationes servorum tuorum.

Secundum benedictionem Aaron da populo tuo et dirige nos in iustitia,

Ut sciant omnes qui inhabitant terram, quia tu es deus conspector saeculorum.

Gloria, et honor Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Deus altissimus magnanimis miserator et multe misericordie patiens super mala hominum.

Miserere nostri deus omnium et respice nos et ostende nobis lumen miserationis tuae.

℣. Dominus sit semper vobiscum.

℟. Et cum spiritu tuo.

Rex noster et deus noster verbi supplicum tuorum propitiatus intende et in principio uigiliarum tuarum ad te cum deuotione currentes dignanter exaudi. Ut pro multitudine misericordiae tuae domum sanctam tuam introye, ibique laudes tuas mereamur frequentius in tuo cantare timore.

℟. Amen.

℣. Procedete nos, lumen divinitatis tuae, Deus noster, qui vivis et omnia regis in saecula saeculorum.

℟. Amen.

℣. Perficiamus cum pace.

℟. Deo gratias.

℣. Dominus sit semper vobiscum.

℟. Et cum spiritu tuo.

℟. Per diem clamavi et nocte coram te Domine intret in conspectu tuo oratio mea alleluia alleluia.

℣. Media nocte surgebam ad confitendum tibi super iudicia iustitiae tuae.

℟. Intret in conspectu tuo oratio mea alleluia alleluia.

Gloria Patri.

℟. Intret in conspectu tuo oratio mea alleluia alleluia.

℟. Vigilate et orate dicit Dominus nescitis qua hora Dominus domum veniat: sero, an media nocte, an galli cantum, an mane, et dum venerit repente inveniat vos dormientes.

℣. Dominus Iesus Christus locutus est discipulis suis dicens: vigilate et orate ne intretis in tentationem.

℟. Qua oportet semper orare et numquam deficere.

Gloria Patri.

℟. Qua oportet semper orare et numquam deficere.

℟. Acceperunt prudentes oleum in vasis suis cum lampadibus: media autem nocte clamor factus est, ecce sponsus venit, exite obviam ei.

℣. Oleum recondite in vasis vestris ut lampades vestrae sint semper accensae.

℟. Ecce sponsus venit exite obviam ei.

Gloria Patri.

℟. Ecce sponsus venit exite obviam ei.

℟. Clamor factus est, ecce sponsus venit exite obviam ei.

℣. Oleum recondite in vasis vestris ut lampades vestrae sint semper accensae.

℟. Exite obviam ei.

Gloria Patri.

℟. Exite obviam ei.

℟. Meditatus sum nocte cum corde meo: anxiatus est spiritus meus et dixi: numquid in aeternum repelle Deus?

℣. Timor et tremor venerunt super me et contexerunt me tenebrae.

℟. Numquid in aeternum repelle Deus?

Gloria Patri.

℟. Numquid in aeternum repelle Deus?

℟. Vigila Domine super gressus meos ne fur nocturnus veniat et furetur et perdat nos.

℣. Ne fur nocturnus veniat et furetur et perdat nos.

℟. Clama et dic Deus meus miserere mei.

Gloria Patri.

℟. Ne fur nocturnus veniat et furetur et perdat nos.

℟. Vigilate et orate ne intretis in tentationem.

℣. Videte ne quando aggraventur corda vestra in crapula et ebrietate et in curis huius mundi.

℟. Ne intretis in tentationem.

Gloria Patri.

℟. Ne intretis in tentationem.

℟. Anima mea desideravit te Deus in nocte: de mane vigilabo ad te.

℣. Sicut cervus desiderat ad fontes aquarum ita desiderat anima mea ad te Deus.

℟. De mane vigilabo ad te.

Gloria Patri.

℟. De mane vigilabo ad te.

℟. Simile est regnum caelorum decem virginibus quae accipientes lampadas suas exierunt sponso obviam, et quae paratae erant intraverunt cum eo ad nuptias, et clausa est ianua.

℣. Media nocte clamor factus est, ecce sponsus venit, exite obviam ei.

℟. Et quae paratae erant intraverunt cum eo ad nuptias, et clausa est ianua.

Gloria Patri.

℟. Et quae paratae erant intraverunt cum eo ad nuptias, et clausa est ianua.

℟. Ora Dominum ante lucem, et oranti tibi miserebitur: et omnia quae petieris dabo tibi Dominus.

℣. Si simplex fueris et timueris Deum eris excidens a malo.

℟. Et omnia quae petieris dabo tibi Dominus.

Gloria Patri.

℟. Et omnia quae petieris dabo tibi Dominus.

℟. Domine Deus, ad te levavi oculos meos: de in tribulationibus meis exaudi me.

℣. De profundis clamavi ad te Domine: exaudi vocem meam.

℟. De in tribulationibus meis exaudi me.

Gloria Patri.

℟. De in tribulationibus meis exaudi me.

℟. Anima mea cessat iam peccare, cogitat de subitanea transpositione et de aeterna tormenta: ibi enim non queritur paenitentia, nec lucrum faciunt lacrimae. Dum tempus habes, clama et dic: Deus meus, miserere mei.

℣. Quare tristis es, anima mea, et quare conturbas me? Spera in Domino.

℟. Clama et dic: Deus meus, miserere mei.

Gloria Patri.

℟. Clama et dic: Deus meus, miserere mei.

℣. Dominus sit semper vobiscum.

℟. Et cum spíritu tuo.

℟. Deo gratias.

Haec dicit dominus deus sanctus srl Israel. Si reuertimini ad me et quiescatis in silentio et in spe erit fortitudo uestra. Propterea expectat dominus ut misereatur uestri et ideo exaltabitur parcens uobis, quia deus iudicii dominus, beati omnes qui expectant eum.

℟. Amen.

Epistola Iacobi Apostoli ad duodecim tribus. Cap. 4.

℟. Deo grátias.

Carissimi: Subditi estote deo, Resistite autem diabolo et fugiet a uobis. Adpropinquate deo et adpropinquabit uobis. Et mundate manus peccatorum et sanctificate corda duplices animo. Miseri estote, lugete et plorate, Risus uester in luctum conuertatur et gaudium in merorem. Humiliamini in conspectu domini, et exaltabit uos.

℟. Amen.

℣. Dominus sit semper vobiscum.

℟. Et cum spiritu tuo.

Alleluia, alleluia, alleluia, alleluia, alleluia.

℣. De profundis clamavi ad te domine.

℟. Alleluia, alleluia, alleluia, alleluia, alleluia.

℣. Domine exaudi vocem meam.

℟. Alleluia, alleluia, alleluia, alleluia, alleluia.

℣. Fiant aures tuae intendentes orationem servi tui.

℟. Alleluia, alleluia, alleluia, alleluia, alleluia.

Alleluia, alleluia, alleluia, alleluia, alleluia.

℣. Beati servi illi quos cum venerit dominus inuenerit vigilantes.

℟. Alleluia, alleluia, alleluia, alleluia, alleluia.

℣. Amen dico uobis quoniam precinget se et ministrabit illis.

℟. Alleluia, alleluia, alleluia, alleluia, alleluia.

Laus tibi, laus tibi, laus tibi domine, Rex eterne glorie.

℣. Beati servi illi quos cum venerit dominus inuenerit vigilantes.

℟. Rex eterne glorie.

℣. Amen dico uobis quoniam precinget se et ministrabit illis.

℟. Rex eterne glorie.

Surgentes ad te domine

atre noctis silentio,

uigilijs obsequiis

patrum sequentes ordinem.

Quem nobis dereliquerunt

iure hereditario

ministrantes excubiis

tibi sanctae paraclite.

Pari cum patre clarus est

cum Christo subtilissimus

multi modis spiritus rex

misticus agnosceris.

Fragiles carne conspicit

quos ille antiquissimus,

suis decepit artibus

tuis trahe uirtutibus.

Grex tuus tibi deditus

nullo tenetur crimine

quem tuo Christe sanguine

uoluisti redimere.

Oues er[l]antes preuide

pastor bone piissime

ad aulam celsitudinis

tuis reporta umeris.

Tabefactus et saucius

abscedat princeps demonum,

perdat predam de faucibus

insatiata rapiens.

Exultet Christe dominus

psallat corus angelicus

laudes insonent in organo

ter sanctus dicat domino.

Ihesu defensor omnium

protector et mirabilis

sueta noctis aduenit

et nos sopore deditii.

In tuo sancto nomine

qui custos et defensor es

et uigilem spiritu

ut mereamur lampades.

Cantores tuos domine

quos iubes nocte surgere

ad inuocandum tuum nomen

quod nobis est laudabile.

Quem omnis terra metuit

pro tanta magnitudine

sequamur in tua laude

quod pie sancte precipis.

Ymnorum cantus resonet

de corda te credentium

sequamur tanti gaudii

promissa sancti spiritus.

Clamor in nocte factus est

Ihesus ingressus ianuis

et uigilantes prouocat

intrare sancta regina.

Gaudet sponsus uirginum

ingressus in cubiculo

ubi coronas martyrum

refulgent ante dominum.

Mercedem tanti gloriae

daturus est credentibus

quod nobis sitit animus

sic mereamur consequi.

Medium noctis tempus est

prophetica uox admonet

dicamus laudes domino

patri semper et filio.

Sancto quoque spiritui

perfecta enim trinitas,

unius substantiae

laudanda semper nobis est.

Medie noctis tempore

pergens uastor angelus

Egyptus mortem inferens

diluit primogenita.

Haec hora iustis salus est

in quo se unctus angelus

ausus punire non fuit

signum formidans sanguinis.

Egyptus flebat fortiter

tantarum dira funera

solus gaudebat Israel

agni protector sanguinis.

Nos uero Israel sumus

letemur in te domine,

hostem prosternentes malum

Christi defensi sanguine.

Medie noctis tempore

per uoce euangelica

uenturus sponsus creditur

regni celestis conditor.

Occurrunt sancte uirgines

obuiam tunc aduentui

claras gestantes lampades

magno letantes gaudio.

Stulte fores remanent

que extinctas habent lampades

frustra pulsantes ianua

clausa iam regni regia.

Quare uigilemus sobrie

gestantes mente splendide

et adueniente Ihesu

digni occuramus obuiam.

Medie noctis tempore

Paulus quoque et Sileas

pro Christo uncti in carcere

laudando resoluti sunt.

Nobis hic mundus carcere

est Christe resolue uincula

nostra relaxa crimina,

in te sancte credentium.

Dignos nos fac rex agie

uenturi regni glorie

eternis ut mereamur

te laudibus concinere.

Praesta, Pater Piissime,

Patrique compar Unice,

Cum Spiritu Paraclito

Regnans per omne saeculum.

℟. Amen.

℣. Dominus sit semper vobiscum.

℟. Et cum spiritu tuo.

Media nocte surgebam ad confitendum tibi super iudicia iustitiae tuae.

Funes peccatorum circumplexi sunt me et legem tuam non sum oblitus.

Deprecatus sum faciem tuam de toto corde meo, miserere mei Deus.

Delicta iuventutis meae et ignorantias meas ne memineris.

Qui cognoscis omnia occulta peccata mea, munda me.

Tempus misericordiae veniat, ut repentinae peccavi, miserere mei Deus.

Secundum magnam misericordiam tuam, et secundum multitudinem miserationum tuarum, dele iniquitates meas, miserere mei Deus.

Cor mundum crea in me Deus, et spiritum rectum innova in visceribus meis.

Redde mihi laetitiam salutaris tui et spiritu principali confirma me.

Gloria et honor Patri, et Filio, et Spiritui Sancto. Miserere mei Deus.

Sicut erat in principio, et nunc, et semper, et in saecula saeculorum. Amen. Miserere mei Deus.

Qui cognoscis omnia occulta peccata mea, munda me.

Tempus misericordiae venit et repentinae peccavi, miserere mei Deus.

℣. Dominus sit semper vobiscum.

℟. Et cum spiritu tuo.

℣. Miserere Domine, miserere nobis tibi soli peccavimus, indulge nobis rogamus.

℟. Kyrie eleison.

℣. Lapsi sumus graviter in peccatis magnis veniam precamur Christe parce nostris delictis.

℟. Kyrie eleison.

℣. Scelus admissus non reddas ut mereamur Pater pie dele noxa et errata relaxa.

℟. Kyrie eleison.

℣. Penitentibus reis conlueris religiosis cor contritis et elisis iam succurre Rex caelestis.

℟. Kyrie eleison.

℣. Pauperibus egenis iterantibus naufragis lapsis viduis pupillis iam succurre Rex caelestis.

℟. Kyrie eleison.

℣. Peregrinis oppressis dispersis et captis unictis egri et defunctis iam succurre Rex caelestis.

℟. Kyrie eleison.

℣. Quis est homo domine et ut indigneris aut genus corruptibile ut ita amariceris de ipso.

℟. Kyrie eleison.

℣. Nemo dignus est qui non impie gessit nec de confitentibus qui tibi non deliquit.

℟. Kyrie eleison.

℣. In hoc nuntiatibur bonitas tua Deus quum misertus fueris iniquitatibus nostris.

℟. Kyrie eleison.

℣. Si peccavimus in te tu sumus Christe expectantes domine misericordiam tuam.

℟. Kyrie eleison.

℣. Miserere Domine, miserere nobis tibi soli peccavimus, indulge nobis rogamus.

℟. Kyrie eleison.

℣. Dominus sit semper vobiscum.

℟. Et cum spiritu tuo.

℣. In nomine Domini nostri Jesu Christi perficiamus cum pace.

℟. Deo gratias.