Psalmus: 144
Exaltabo te, Deus meus rex, et benedicam nomini tuo in sæculum, et in sæculum sæculi.
Per singulos dies benedicam tibi, et laudabo nomen tuum in sæculum, et in sæculum sæculi.
Magnus Dominus et laudabilis nimis, et magnitudinis ejus non est finis.
Generatio et generatio laudabit opera tua, et potentiam tuam pronuntiabunt.
Magnificentiam gloriæ sanctitatis tuæ loquentur, et mirabilia tua narrabunt.
Et virtutem terribilium tuorum dicent, et magnitudinem tuam narrabunt.1
Memoriam abundantiæ suavitatis tuæ eructabunt, et justitia tua exsultabunt.
Miserator et misericors Dominus, patiens, et multum misericors.
Suavis Dominus universis, et miserationes ejus super omnia opera ejus.
Gloria Patri.
Ant. Deus et Pater Domini nostri Jesu Christi, ex quo omnis paternitas in cœlo et in terra nominatur, det nobis secundum divitias gloriæ suæ, virtutem corroborari in interiori homine per Spiritum Sanctum, habitare Christum per fidem in cordibus nostris.2
Ant. Te decet laus.
Footnotes
Chapter 4 of 33