Psalmus: 85

Et tu, Domine Deus, miserator et misericors, patiens, et multæ misericordiæ, et verax,

Respice in me, et miserere mei ; da imperium tuum puero tuo, et salvum fac filium ancillæ tuæ.

Fac mecum signum in bonum, ut videant qui oderunt me, et confundantur :¹ quoniam tu, Domine, adjuvisti me, et consolatus es me.

Gloria Patri.

Ant. Benedicta sit semper sancta Trinitas atque indivisa Unitas; confitebimur ei, quia fecit nobiscum misericordiam suam.

Hymnus.

Decreto tuo, Trinitas, Nox et dies perseverant. Indulge, pia Deitas, Quæ hoc die mala erant.

Bona omissa, facta mala, Tua dele pietate ; Et nos nocte hac conserva, Ne inquinemur fœditate :

Ut cor nostrum in id ipsum Dulci somno conquiescat,²³

Et ad colendum te ipsum, Lætum surgens inardescat. Gloria summæ Trinitati, Uni veræ Deitati, Cujus simplex essentia, Immensa est potentia. Amen.

Footnotes

1. Ps. lxxxv, 15-17. ↩

2. Ps. iv, 9. ↩

3. Tob. xii, 6. ↩