Psalmus: 94
Venite, exsultemus Domino, jubilemus Deo salutari nostro; præoccupemus faciem ejus in confessione, et in psalmis jubilemus ei.
Te omnium Salvatorem propter nos captum, vulneratum, occisum, adoramus, O Christe altissime.
Quoniam Deus magnus Dominus, et Rex magnus super omnes deos : quoniam non repellet Dominus plebem suam : quia in manu ejus sunt omnes fines terræ, et altitudines montium ipse conspicit.
O Christe altissime.
Quoniam ipsius est mare, et ipse fecit illud, et aridam fundaverunt manus ejus: venite, adoremus, et procidamus ante Deum; ploremus coram Domino, qui fecit nos :1 quia ipse est Dominus Deus noster; nos autem populus ejus, et oves pascuæ ejus.
Te omnium Salvatorem propter nos captum, vulneratum, occisum, adoramus, O Christe altissime.
Gloria Patri, et Filio, et Spiritui Sancto.
Sicut erat in principio, et nunc, et semper, et in sæcula sæculorum. Amen.
O Christe altissime.
Te omnium Salvatorem propter nos captum, vulneratum, occisum, adoramus, O Christe altissime.
Hymnus.
Vexilla Regis prodeunt, Fulget crucis mysterium, Quo carne carnis Conditor Suspensus est patibulo.
Confixa clavis viscera Tendens manus, vestigia ; Redemptionis gratia, Hic immolata est hostia.
Quo vulneratus insuper Mucrone diræ lanceæ, Ut nos lavaret crimine, Manavit unda sanguine.
Impleta sunt quæ concinit David fidelis carmine, Dicens : In nationibus Regnavit a ligno Deus.2
Te, summa Deus Trinitas, Collaudet omnis spiritus ; Quos per crucis mysterium Salvas, rege per sæcula. Amen.
Antiphona. Christus dilexit nos.
¹ Ex editione Coloniensi Joannis Soteris, 1532.
Footnotes
Chapter 2 of 11