Psalmus: 12
Usquequo, Domine, oblivisceris me in finem? Usquequo avertis faciem tuam a me?
Quamdiu ponam consilia in anima mea, dolorem in corde meo per diem ?
Usquequo exaltabitur inimicus meus super me ? Respice et exaudi me, Domine Deus meus.
Illumina oculos meos ne unquam obdormiam in mortem, nequando dicat inimicus meus : Prævalui adversus eum.
Qui tribulant me exsultabunt, si motus fuero;1 ego autem in misericordia tua speravi.
Exsultabit cor meum in salutari tuo ; cantabo Domino qui bona tribuit mihi, et psallam nomini Domini altissimi.
Gloria Patri.
Ant. Hora Cœnæ discubuit Jesus, et duodecim Apostoli cum eo ; et ait illis Jesus : Desiderio desideravi hoc pascha manducare vobiscum, antequam patiar.2
Hymnus.
Jesu nostra redemptio, Amor et desiderium ; Deus creator omnium, Homo in fine temporum. Quæ te vicit clementia, Ut ferres nostra crimina ? Crudelem mortem sustinens, Ut nos a morte tolleres. Inferni claustra penetrans, Tuos captivos redimens, Victor triumpho nobili, Ad Patris dextram residens.
Ipsa te cogat pietas, Ut mala nostra superes Parcendo, et voti compotes Nos tuo vultu saties. Laus, honor, virtus, gloria, Deo Patri et Filio, Sancto simul Paracleto, In sempiterna sæcula. Amen.
Capitulum.
Fidelis sermo et omni acceptione dignus, quia Christus Jesus venit in hunc mundum peccatores salvos facere, quorum primus ego sum.
R. Deo gratias.3
R. Caligaverunt oculi mei a fletu, quia elongatus est a me qui consolabatur me. Videte, omnes populi, † Si est dolor similis sicut dolor meus.
V. O vos omnes qui transitis per viam, attendite et videte.4 Si est dolor. V. Gloria Patri. Dolor. V. Benedic, anima mea, Domino.5 R. Et noli oblivisci omnes retributiones ejus. Ant. Deus.
Canticum. Nunc dimittis servum tuum, Domine, secundum verbum tuum in pace.6 Quia viderunt oculi mei salutare tuum. Quod parasti ante faciem omnium populorum. Lumen ad revelationem gentium, et gloriam plebis tuæ Israel. Gloria Patri. Ant. Deus autem qui dives est in misericordia, propter nimiam caritatem suam qua dilexit nos, quum essemus mortui peccatis, convivificavit nos Christo, cujus gratia sumus salvati.7
V. Domine, exaudi, etc.
R. Et clamor meus, etc.
Oremus.
Domine rex omnipotens, Jesu bone, qui tot pro me pertulisti tormenta, da ut nec in prosperis neque in adversis a te elonger aut separer, nec in tuo sacro obsequio negligens aut piger efficiar, sed opus tuum quotidie magis reverenter adimpleam, in gratia tua incessabiliter crescam, in reformatione animæ proficiam. O virtus et Sapientia Dei Patris, Christe altissime, fac me in omni vita mea in te vere sapientem, amorosum, et fortem ac stabilem, tibique semper sincerius adhærentem. Qui vivis.
V. Domine, exaudi, etc.
R. Et clamor meus, etc.
V. Benedicamus Domino.
R. Deo gratias.
V. Animæ omnium fidelium, etc.
FINIS.
Footnotes
Chapter 11 of 11