Psalmus: 116
Laudate Dominum, omnes gentes;1 laudate eum, omnes populi.
Quoniam confirmata est super nos misericordia ejus, et veritas Domini manet in æternum.
Gloria Patri.
Ant. Ad Jesum quum venissent milites, ut viderunt eum jam mortuum, non fregerunt crura ejus;2 sed unus militum lancea latus ejus aperuit, et continuo exivit sanguis et aqua.
Capitulum.
Dixerunt impii: Circumveniamus Justum injuste, quoniam contrarius est operibus nostris.3 Promittit se scientiam Dei habere, et Filium Dei se nominat; gravis est nobis etiam ad videndum: contumeliis et tormentis interrogemus eum, et morte turpissima condemnemus eum.
R. Deo gratias.
R. Christus passus est pro peccatis nostris, justus pro injustis, ut nos offerret Deo, deglutiens mortem, † Ut vitæ æternæ efficeremur heredes.4
†. Sic Deus dilexit mundum, ut Filium suum unigenitum daret.5 Ut vitæ.
†. Gloria Patri. Heredes.
Hymnus.
Salve, Jesu summe bonus, Ad parcendum nimis pronus. Tua membra ad tormenta Quam acerbe sunt distenta, In ramo crucis torrida! Salve, latus Salvatoris, In quo latet mel dulcoris, In quo patet vis amoris, De quo scatet fons cruoris, Qui corda lavit sordida. Tuas plagas rubicundas, Et fixuras tam profundas, Cordi meo da inscribi, Ut configar totus tibi, Te modis laudans omnibus. Laus crucifixo Filio Salvanti ab exsilio, Sit cum Patre præamando Spirituique adorando, Et jungat nos cœlestibus. Amen.
†. Quid retribuam Domino.6
R. Pro omnibus quæ retribuit mihi.
Ad Magnificat, Ant. Proprio Filio.
Canticum beatissimæ Virginis Mariæ.
Magnificat anima mea Dominum.7
Et exsultavit spiritus meus in Deo salutari meo.
Quia respexit humilitatem ancillæ suæ: ecce enim ex hoc beatam me dicent omnes generationes.
Quia fecit mihi magna qui potens est, et sanctum nomen ejus.
Et misericordia ejus a progenie in progenies, timentibus eum.
Fecit potentiam in brachio suo : dispersit superbos mente cordis sui.
Deposuit potentes de sede, et exaltavit humiles.
Esurientes implevit bonis, et divites dimisit inanes.
Suscepit Israel puerum suum, recordatus misericordiæ suæ.
Sicut locutus est ad patres nostros, Abraham et semini ejus in sæcula.
Gloria Patri.
Ant. Proprio Filio suo non pepercit Deus Pater, sed pro omnibus nobis tradidit illum :8 quomodo etiam non omnia nobis cum illo donavit ?
★. Domine, exaudi, etc.
R. Et clamor meus, etc.
Oremus.
Deus incarnate, per tuæ te obsecro benedictæ atque purissimæ incarnationis mysterium, per totius vitæ tuæ sanctitatem ac meritum, per tuam quoque amarissimam mortem, et tuæ dulcissimæ Matris fidelissimam compassionem, in qua tunc dolor parturientium duplicabatur, ut nos te digne imitari concedas, nosque in omnibus semper conservare ac possidere digneris. Qui vivis.
★. Domine, exaudi, etc.
R. Et clamor meus, etc.
★. Benedicamus Domino.
R. Deo gratias.
★. Animæ omnium fidelium, etc.
AD COMPLETORIUM.
Ave, benignissime, etc.
★. Converte nos, Deus salutaris noster.
R. Et averte iram tuam a nobis.9
★. Deus, in adjutorium, etc.
R. Domine, ad adjuvandum, etc.
★. Gloria Patri.
Ant. Hora Cœnæ.
Footnotes
Chapter 10 of 11