Distinctio 9

Præterea investigari oportet, etc.

OPINIONE quorumdam, caro vel anima Christi seu ejus humanitas adoratione illa quæ latria dicitur, et divinitati debetur, quæ in dilectione cordis et sacrificiorum exhibitione, etc., consistit, non est adoranda, ne idololatria committatur. Honoranda autem est Christi humanitas seu adoranda dulia excellenti, ac super omnem creaturam veneranda et diligenda. Secundum alios autem, sine omni periculo eadem Christi humanitas latria recte adoratur, non quidem ratione sui, sed suppositi, in quantum scilicet a Deo in unitatem suppositi est assumpta, nec ab ea unquam separata. Quæ quidem sententia vera est, et dictis Sanctorum in littera confirmata.

Nunquam sacra Dei Verbum caro deserit absens, Obque id culta pari semper honore fuit.