Caput XI. De planeta vel casula.

Sic igitur sacerdote Domini ornato, per tunicam munditia, per zonam continentia, per superhumerale justitia, per stolam patientia, cunctis postremo casula superponitur, quae charitatem significat, sicut scriptum est: Adhuc excellentiorem viam vobis demonstro (I Cor. XII). Si linguis hominum loquar et angelorum, charitatem autem non habeam nihil sum, etc. (I Cor. XIII).