Tit. LXXXIX. De Dei. Mulieris et diaboli, de mortis incurrenda assertione.

Dominus dixit: In quacumque die comederis ex eo morte morieris (Gen. III). Mulier dixit: Ne forte moriamur (ibid.). Diabolus dixit: Nequaquam moriemini (ibid.). Dominus affirmavit, mulier dubitavit diabolus negavit. Qui ergo dubitavit, ab affirmante recessit, et neganti appropinquavit. Si mulier non dubitasset, forte diabolus non negasset. Sed dedit audaciam, quae incohavit malitiam.