Tit. CXIII. De tribus speciebus poenitentiae.

Tres sunt species poenitentiae: Simulatoria et infructuosa, cujus exemplum est in Esau et falsis credulis; et desperata, sicut in Cain et Juda: utilis et consummata, sicut in Maria Magdalena et Zachaeo. Cujus partes sunt quinque, contritio in corde, confessio in ore, maceratio in carne, correctio in opere, perseverantia in virtute.