The.vi. chapyter

The author shewyth yt the person abiured for hys owne honeste worldly / and for the more frute of hys prechynge / yf he be suffred to preche in tyme to come / yt were mych better for hym openly & wyllyngly to confesse the trothe. And yt now by the stā dyng styll in the denyall / he both shamyth hym self / & shuld yf he pr[…]chyd sklaunder the worde of god.

IT ys q he ꝑaduenture better thus. For than shuld he sclaū der hym self & the word of god also / if he shuld hereafter preche agayn Nay mary q I than shuld he rather deliuer him self fro sclaūder & the word of god also. For than shuld euery mā se the dyuell cast clene out of hys harte / & hope yt he shulde be fro thensforth a very good man. where now thynkīg hym to parseuer in a proud par[…]ury / we can none other thynk but yt he must nedys be very nought styll / though we shulde herafter here him preche neuer so well. & yt were a sore sclaūder to the worde of god / yt men shuld se hym whō they here preche well / so proud an ypochryte and therwt so folysh to / yt for a false hope of hys own estymacyō preseruyd / he laboryth as mych as in hym ys to make the worlde wene ye.xx. trew men were forsworn agaynst hym. wherin whyle ther ye no man so mad to beleue hym / he le […]eth (yf he preche in thys plyght) all his hole purpose / & winneth nothīg but the cōtrary / yt ys double shame of hys ꝓud ꝑiury & hye malycyous mynde / in stede of the prayse yt he lokyth & prechyth for.