Une Sœur disant à nostre bien-heureux Pere qu’elle vouloit tenir sa place dans ce Monastère, le Bien-heureux luy respondit avec sa débonnaireté ordinaire :

Que dites-vous, ma chere fille Claude Sitnplicienne ? que vous voulez tenir ma place céans et faire ce que j’y ferois si j’y estois. Et qu’y ferois-je, ma fille ? pas si bien que vous sans doute, car je ne

Vous dites que vous feriez ce que je ferois si j’estois là dedans, ma chere fille. Et que c’est que je ferois ? Je n’en sçay rien : qu’en peux-je sçavoir ? Je ne ferois pas si bien que vous, car je suis un poltron, je ne vaux rien moy ; vaux rien ; mais il me semble qu'avec la grâce de Dieu, je me tiendrois si attentif à la pratique des petites et menues observances qui sont introduites céans, que par ce moyen je tascherois de gaigner le cœur de Dieu. Je ferais si bien le silence, et parlerais aussi quelquefois, mesme au temps du silence, je veux dire tousjours quand la charité le requerrait, mais non jamais autrement. Je parlerais bien doucement, et y ferais une attention particulière parce que la Constitution l’ordonne. Je fermerais et ouvrirais les portes bien doucement parce que nostre Mere le veut, et nous voulons bien faire tout ce qu’elle veut que l’on fasse. Je porterais la veüe bien basse et marcherais fort modestement ; car, ma chere fille, Dieu et ses Anges nous regardent tousjours et ayment extrêmement ceux qui font bien.

Si l’on m’employoit à quelque chose ou que l’on me donnast une charge, je l’aymerois bien et tascherois de faire tout à propos ; si l’on ne m’employoit en rien et que l’on me laissast là, je ne me meslerois de chose quelconque que de bien faire l’obeissance et bien aymer Nostre Seigneur. O il me semble que je l’aymerois bien de tout mon cœur, ce bon Dieu,et qu’à cela j’appliquerais tout mon esprit, et à bien observer les Réglés et Constitutions. O ma chere fille Simplicienne, il le faut bien faire le mieux que nous pourrons : mais il m’est advis qu’avec la grâce de Dieu, je me rendrois si attentif à la pratique des vertus et menues observances qui sont introduites là dedans, que par ce moyen je tascherois de gaigner le cœur de Nostre Seigneur. Je ferais bien le silence, et parlerais aussi quelquefois au silence, je veux dire tousjours quand la charité le requerrait, mais non pas autrement. Je parlerais bien doucement et bas tousjours ; j’y ferais attention particulière parce que les Constitutions l’ordonnent. O de cela il m’est advis que je le ferais- J’ouvrirais et fermerais les portes bien doucement parce que nostre Mere l’a ainsi ordonné ; car nous voulons bien faire tout ce que nous sçavons qu’elle veut que l’on fasse. Je porterois la veüe si basse parmi la maison, et marcherais bien doucement. Ma chere fille, Dieu et ses Anges nous regardent tousjours, et ayment extrêmement ceux qui font bien.

Il m’est advis que si je m’estois donné une bonne fois à Nostre Seigneur en ceste sorte, comme on fait lors qu’on fait Profession, que je luy laisserais bien tout le soin de moy-mesme et de tout ce qui me regarde ; je le laisserais faire de moy tout ce que l’on voudroit, au moins ce me semble. Si on m’employoit à quelque chose, ou que l’on me donnast une charge, je l’aymerois bien et tascherois de bien faire tout ce à quoy je serais employé ; et si on ne m’en donnoit point, qu’on me laissast là, à ceste heure je ne meslerois de rien que de bien faire l’obeissance et bien aymer Nostre Seigneur ; il m’est advis que je l’aymerois bien de tout mon cœur. Par tout là où je me trouverais j’y appliquerais bien mon esprit le plus qu’il me seroit possible, à bien observer les Réglés et Constitutions. O cela il nous le faut bien faire le n’est-il pas vray que nous nous sommes faites Religieuses pour cela nous deux ? Je suis certes bien aise qu’il y ayt une Sœur céans qui veuille tenir ma place et estre Religieuse pour moy, mais j’ayme bien que ce soit ma Sœur Claude Simplicienne, car je l’ayme bien ma Sœur Claude Simplicienne.

Or sus, faisons donc le mieux que nous pourrons ; rien ne nous doit empescher de bien faire tout ce qui est marqué dans nos Constitutions,car nous le pouvons avec la grâce de Nostre Seigneur. Mais il ne nous faut pas estonner de nos fautes, car que pouvons-nous sans l’ayde de ce bon Dieu ? rien du tout. Voulez-vous que je vous die encore, ma tres-chere fille ? Il m’est advis que je serois bien joyeux, et que je ne m’empresserois jamais ; cela, Dieu mercy, je le fais desja, car jamais je ne m’empresse, mais je le ferais encore mieux.

Je me tiendrais bien bas et petit, je m’humilierais et ferais les pratiques selon les rencontres ; et si je ne m’estois pas humilié, je m’humilierais au moins de ce que je ne me serois pas humilié. Je tascherois le mieux qu’il me seroit possible de me tenir en la presence de Dieu et de faire toutes mes actions pour son amour, car, ma chere fille, on nous apprend céans à faire ainsi. Et qu’avons-nous mieux que nous pourrons, car à ceste heure, nous deux nous nous faisons Religieux pour cela : n’est-il pas bien vray ? Je suis bien aise qu’il y ayt une Sœur Claude Simplicienne, car je l’ayme de tout mon cœur ma Sœur Claude Simplicienne. Elle veut tenir ma place et tousjours mieux faire. Voulons- [nous] pas bien faire nous deux ? Taschons de faire du mieux que nous pourrons.

Pour bien faire, entreprenons de bien mortifier nos humeurs et inclinations un peu bien à la bonne foy et tout de bon, car nous n’avons rien autre qui nous puisse empescher de bien faire que cela. Rien ne nous doit empescher de bien faire tout ce qui est marqué en nos Constitutions ; avec la grâce de Dieu, nous le pouvons et devons faire. Jamais nous ne nous devons estonner ni descourager pour estre sujettes à faire des fautes ; nous en ferons tousjours, Dieu le permettant ainsi pour nous faire pratiquer l’humilité : de nous-mesmes nous ne pouvons rien autre chose. Il m’est advis que si j’estois là dedans je serois bien joyeux ; je serois si content d’avoir tous mes exercices marqués ! Mais je ne m’empresserois jamais, ô non ; cela je le ferois encore bien, ce me semble, car dés à ceste heure je ne m’empresse jamais, je fais desja cela.

Je m’humilierois en faisant les pratiques de vertu et d’humilité mesmes, selon les rencontres ; et si je ne sçavois pas m’humilier, je m’humilierois encore de ce que je ne sçaurois pas m’humilier. Et tousjours je tascherois le mieux que je pourrois de faire toutes mes actions en la presence de Dieu, avec le plus d’humilité et d’amour qu’il me seroit possible, car on apprend céans à faire ainsi, n’est-il pas vray ? Et qu’avons-nous à faire nous autres que cela ? 4oo Les vrays Entretiens spirituels en ce monde autre chose à faire que cela ? Rien du tout, nous sçavons tout ce qui est requis que nous sçachions pour cela, et à ceste heure il nous faut quitter nous-mesmes. Commençons tout de bon, Dieu nous aydera ; si nous avons le courage, nous ferons prou, Dieu aydant.

Mais sçavez-vous encore, ma chere fille Simplicienne ? j’espere que je laisserais bien faire de moy tout ce que l’on voudrait, et lirais souvent les chapitres De l'Humilité et De la Modestie, de nos Constitutions. O ma fille, il les faut bien lire souvent et les bien pratiquer. Dieu nous en face la grâce et soit béni.

J3

DES CINQ DEGRÉS D’HUMILITÉ

(Mss. et Coll.)

Le premier degré de l’humilité c’est la cognoissance de soy-mesme, c’est à dire lors que par le tesmoignage de nostre propre conscience et par la lumière que Dieu respand dans nostre esprit, nous cognoissons que nous ne sommes rien que pauvreté, que misere et abjection. Ceste humilité icy, si elle ne passe pas plus avant, elle n’est pas grande chose, et en effect elle est fort commune ; car il se trouve peu de personnes qui vivent avec tant d’aveuglement qu’ils ne cognoissent assez clairement leur vileté, pour peu de considération qu’ils fassent ; mais neantmoins, si bien ils sont contrains de se voir pour ce qu’ils sont, ils seroyent extrêmement marris si quelqu’autre les tenoit pour tels. C'est pourquoy il ne faut pas s’arrester là, ains passer au second degré, qui est la rien du tout. Il m’est advis que je me tiendrois bien bas et petit au prix des autres. Si nous avons bien eu le courage de quitter ce que nous avions au inonde, il en faut bien plus avoir pour nous quitter nous-mesmes. C’est bien peu ce que nous laissons au monde, mais puisque c’est tout ce que nous pouvions avoir, c’est tout quitter. A ceste heure nous n’avons rien à faire que ce qui est escrit pour nous. Commençons tous les jours à mieux faire.

Je lirois bien souvent le chapitre De l’Humilité et De la Modestie : et vous, ne les lisez-vous pas bien souvent ? Quelquefois ? Nous ferons prou, je le sçay bien moy, et Dieu nous aydera. Faisons bien, nous avons bon courage. Dieu soit béni.

reeognoissance ; car il y a différence entre cognoistre une chose et la recognoistre.

La recognoissance donques c’est de dire et publier quand il en est besoin, ce que nous cognoissons de nous ; mais cela s’entend de le dire avec un vray sentiment de nostre neant, car il s’en trouve une infinité qui ne font autre chose que s’humilier en paroles. Parlez à une femme la plus vaine du monde, à un courtisan de mesme humeur, dites-leur voir : Mon Dieu, que vous estes braves, que vous avez de merite ! je ne vois rien qui approche de vostre perfection. O Jésus, vous respondront-ils, excusez-moy, je ne vaux rien et ne suis que la misere mesme et imperfection ; mais ce pendant ils sont extrêmement ayses de s’entendre loüer, et encor plus si vous le croyez comme vous le dites. Voila donc comme ces termes d’humilité ne sont que sur le bout des levres et ne partent nullement de l’intime du cœur ; car si vous les preniez au mot sur leurs fausses humiliations ils s’en offenceroyent, et voudroyent que tout sur le champ on leur fist réparation d’honneur. Or, de tels humbles Dieu nous en defende.

Le troisiesme degré est d’avouer et confesser nostre vileté et abjection quand les autres la descouvrent : car souventesfois nous disons bien nous-mesmes, voire avec sentiment, que nous sommes pervers et misérables, mais nous ne voudrions pas qu’un autre nous devançast en ceste déclaration ; et si l’on le fait, non seulement nous n’y prenons pas plaisir, mais de plus nous nous en piquons, qui est une vraye marque que nostre humilité n’est pas parfaite ni de la fine. Il faut donc avouer franchement et dire : Vous avez raison, vous me cognoissez extrêmement bien. Et ce degré icy est desja fort bon.

Le quatriesme c’est d’aymer le mespris et se resjouïr quand on nous deprime et avilit ; car, quelle apparence de tromper l’esprit d’autruy ? il n’est pas raisonnable. Puisque nous avouons que nous ne sommes rien, il faut estre bien ayses que l’on le croye, que l’on le die et que l’on nous traitte comme vils et misérables.

Le cinquiesme, qui est le dernier et le plus parfait de tous les degrés d’humilité, c’est non seulement d’aymer le mespris, mais de le desirer, de le rechercher et s’y complaire pour l’amour de Dieu : et ceux qui parviennent icy sont bien heureux, mais le nombre en est fort petit. Nostre Seigneur le veuille accroistre de vingt cinq ou trente filles qui luy soyent dediées en ceste petite Congrégation. Ainsi soit-il,

26

VIVE f JESUS

ENTRETIEN de nostre BIEN-HEUREUX PERE

PLEIN DE TRES-BELLES ET ADMIRABLES SENTENCES

(Ms.)

L’exacte obéissance és choses dures, la profonde humilité és mespris et une invincible patience és douleurs : ce sont les trois vertus et pierres de touche où l’on essaye la charité.

Je mediteray comme la colombe et mes yeux seront fatigués en contemplant le ciel, parce que la colombe mangeant les grains qu’elle amasse, elle esleve souvent ses yeux au ciel : c’est pourquoy les yeux de l’Espouse sont comparés aux yeux de la colombe, pour signifier que les espouses de Jésus Christ, méditant, mangeant et travaillant, doivent souvent eslever les yeux au Ciel où est leur Bien-Aymé.

Le plus ordinaire séjour de l’ame devote doit estre au pied de la Croix de Nostre Seigneur, car l’on obtient davantage de Dieu par le chemin de l’humilité et reverence ; et il ne se faut pas trop avancer par la voye de la confiance, de peur qu’il ne nous arrive comme à l’Espouse, qui pria son Amy de luy monstrer le lieu où il reposoit sur le midy. Il luy fut respondu qu’elle recognust ce qu’elle estoit, parce que si elle ne se recognoissoit, il ne demeureroit pas avec elle.

La rose représente l’amour et charité ; elle a ses feuilles incarnates, toutes faites en façon de cœurs : telles doivent estre toutes les actions des espouses de Jésus Christ, ayant autant de cœurs que de feuilles et autant de feuilles que de cœurs ; c’est à dire des cœurs pleins d’amour ; et de feuilles, pour le peu d’estime qu’elles doivent avoir de tout ce qu’elles font.La rose a encor une autre propriété,c’est qu’elle tue tous les limaçons qui viennent à l’entour de son rosier, par sa suave odeur : ainsy l’ame devote, qui doit estre une rose devant Dieu, doit chasser et tuer tous les limaçons qui viennent à l’entour de son cœur, c’est à dire le rafroidissement et tiedeur qui l’empeschent de courir en la voye de Dieu. La rose croist entre les espines : de mesme, les meilleures et plus solides vertus croissent et se maintiennent parmi les plus dures contradictions. A mesure que l'on s’abaisse par humilité, à mesure l’on croist en vertu, et non plus. Tout homme, dit David, qui pense estre quelque chose, est menteur, car en vérité il n’est rien. Celuy qui assemble et fait amas de vertus sans humilité, est semblable à celuy qui porte en ses mains de la poussière au vent.

Bien-heureuse sera l’ame qui pourra dire en vérité à l’heure de la mort à l’imitation de Nostre Seigneur : Tout est consommé, j’ay fait tout ce que j’ay peu pour m'avancer au service de Dieu.

Il faut garder nos cœurs purs et nets comme un temple sacré auquel Dieu fait sa résidence, et avoir tous les jours et à toutes heures la serpe à la main pour couper et retrancher les inutilités qui naissent à l’entour de nos cœurs, qui sont comme la terre qui a tousjours besoin d’estre sarclée et emondée ; et faut estre résolu de plustost mourir mille fois que d’offenser Dieu à son escient. Il ne faut pas desirer d’estre délivré de ses imperfections, sinon parce qu’elles desplaisent à Dieu ; car il est bon, pour nous tenir en humilité et résignation, que sa volonté soit faite ou nous les ostant ou nous les laissant, pourveu qu’il soit glorifié en icelles.

Il ne se faut pas humilier pour estreexalté, mais il se faut humilier parce que Dieu s’est humilié. L'on n’est en Religion que pour conserver en nous l’image et semblance de Dieu sans intermission, et le moyen de le faire, c’est d’estre continuellement en sa presence et former toutes nos actions au modèle des siennes. Les âmes bienheureuses qui sont au Ciel ne se resj ouïssent rien tant que de parler de la Mort et Passion de Nostre Seigneur,par laquelle elles ont acquis la gloire qu’elles possèdent. Dieu ne différé jamais sa misericorde lors que la confiance et diligence y operent ; et il faut, pour obéir parfaitement, avoir mortifié son propre jugement.

La fin pour laquelle nous faisons l’oraison ne doit estre que pour nous unir à Dieu. Il y a trois conditions requises pour la bien faire : la première c’est l’intention, la seconde, l’attention et la troisiesme, la reverence. Et pour la bien faire, il faut, outre cela, avoir encor trois autres conditions, à sçavoir : estre pauvre par humilité, riche en esperance, et estre enté sur l’arbre de la Croix avec Nostre Seigneur : et en somme, il faut tousjours demander à Dieu en l’oraison qu’il « accroisse en nous la foy, l’esperance et la charité. » Il ne faut jamais estimer de soy selon le jugement des hommes.

Les pensées oyseuses entretenues volontairement sont pernicieuses.

Quand nous faisons des fautes il ne s’en faut point descourager, car cela ne provient que de l'amour propre ; au contraire, nos imperfections nous doivent servir d’eschelle pour monter au Ciel. Il faut dire comme David, lequel quand ses ennemis luy avoyent gaigné une ville : Or sus, disoit-il, je leur en veux gaigner dix.

La femme vertueuse est d’autant plus excellente dans sa vertu, que son sexe semble estre fresle et fragile.

Quand nous avons ouÿ la parole de Dieu, il nous faut prendre garde de n’estre pas comme le panier qu’on tire de l’eau.

Il se faut résoudre de se voir misérable toute sa vie et de combattre toutes ses imperfections sans en excepter pas une, ni un seul moment, et se résoudre encor de commencer tous les jours de sa vie sans en laisser pas un seul. C’est une des plus grandes grâces que nous puissions recevoir de Nostre Seigneur que la cognoissance de ce que nous sommes, par quelque voye que ce soit.

La meilleure préparation que nous pouvons faire pour bien celebrer les festes, c’est de bien faire ce que nous faisons.

Celuy qui s’est voué au service de Dieu doit faire beaucoup d'estime de sa vocation ; et qu’il se préparé pour combattre et endurer tous les rencontres et toutes les difficultés qui se présenteront en son chemin.

Ce n’est pas humilité de se recognoistre misérable,c’est seulement n’estre pas beste ; mais c’est humilité de vouloir et desirer que l’on nous tienne et que l’on nous traitte pour tels.

Il ne faut pas desirer d’arriver à la perfection tout à coup ; il faut aller le chemin commun et ordinaire, qui est le plus seur.

Il est meilleur pour nous d’estre sur le mont de Calvaire avec Nostre Seigneur crucifié, que sur celuy de Thabor où il fut transfiguré. Quand nous avons ouÿ la voix du Pere qui dit : Cestuy-cy est mon Fils bien-aymé, escoutez-le, il faut mettre en pratique ce qu’il nous a dit. Apres que Nostre Seigneur se fut transfiguré, les disciples ne virent plus que luy : en tout ce que nous faisons nous ne devons rien voir que Nostre Seigneur.

Quand nous sommes en la presence de Dieu nous devons avoir deux attentions : l’une à luy, et l’autre à ce que nous faisons.

Il faut tascher de faire de bons et fervens actes, car un de ceux-là vaut mieux que dix des autres. Il ne faut pas pourtant vouloir aller par une autre voye que celle qu'il plaist à Dieu nous conduire, soit à pied, soit en barque ; mais il faut avoir ceste resolution de se monstrer fidelle aux occasions, car nous sommes des geans à pecher et des nains à bien faire. David reconneut son péché par celuy que luy proposa le Prophète Nathan sous le nom d’autruy.Saint Bernard disoit : Tant plus je m'examine diligemment, plus je trouve de defauts en ma conscience. Aussi saint Paul disoit : Encor que ma conscience ne me remorde de rien, si ne suis-je pas pourtant juste ; et Job disoit: Si je suis simple et juste,mon ame ne le peut sçavoir. Il ne faut jamais penser qu’on aye bien fait une action, encor que nous l’ayons faite avec toute la perfection qu’il nous a esté possible, parce que nous ne sçavons pas ce qu’elle est devant Dieu; la propre volonté ne vaut rien devant luy. Il n’y a rien, dit saint Bernard, qui ayt tant d’efficace pour meriter, retenir et conserver la grâce de Dieu que d'estre trouvé devant luy en tout temps humble et craintif. Snrqui regarderay-je, dit Dieu, sinon sur celuy qui est humble et craintif ?

Les mortifications qui ne sont point apprestées à la sauce de nostre propre volonté sont les meilleures et plus excellentes, et aussi celles que l’on rencontre par les rues sans y penser et que l’on ne cherche pas, et celles qui nous sont journalières quoy que petites.

Il est meilleur et plus seur d’establir le royaume des vertus en guerre qu’en paix, bien qu’il ne faille desirer ni la paix ni la guerre ; mais si cela estoit remis à nostre choix, il faudroit choisir la guerre, parce qu’il y auroit plus de tesmoignage de nostre fidelité.

Il faut ouÿr la parole de Dieu avec intention, attention et obéissance. La parole de Dieu est une charge ; les prédicateurs en sont chargés avant que de l’avoir annoncée, et les auditeurs en demeurent chargés apres qu’ils l’ont ouÿe.

Il faut jetter nos vestemens, c’est à dire nos habitudes, sous les pieds de Nostre Seigneur, à fin de dire : Vive le Roy !

Nostre Seigneur est si amoureux de l’humilité qu’il met au hazard que nous perdions toutes les autres vertus pour conserver celle-cy.

Le sommaire de toutes vertus c’est d’estre fondé en une profonde crainte de Dieu, laquelle au seul nom du péché nous fasse trembler. Celuy qui se verra facile à commettre quelque péché, pour petit qu’il soit, qu’il se tienne pour misérable et aveugle, encor qu’il eust toutes les apparences de sainteté qu’il y a au monde.

Il y a des hérétiques en la charité comme il y en a en la foy : ce sont ceux qui veulent bien observer quelqu’un des commandemens, mais non pas tous. Ni les uns ni les autres heretiques ne seront point sauvés.

Il faut tousjours que les Filles de la Visitation se tiennent pour novices, recevant avec humilité d’un chacun les advis qui font arriver le plus tost à la perfection. Nous sommes obligés d’une obligation particulière de nous perfectionner et nous donner à Dieu sans reserve quelconque, et quand on se sent pauvre et desnué de vertus il faut avoir de plus grandes prétentions de bien faire. Nos resolutions ne sont que des avortons, si nous ne venons aux effects. Il faut avoir continuellement et en tout temps douleur de nos péchés, parce qu’ils ont offencé Dieu qui est éternellement bon.

Qui veut correspondre fidellement aux inspirations, il faut avoir un cœur pliable et sousmis, ne demandant point de delay.

La cause pourquoy nous ne faisons pas nostre profit de l’usage frequent des Sacremens c’est parce que nous n’y portons pas un esprit vuide et despouillé, et qu’apres les avoir receus nous nous retournons endormir en nos miseres.

Il nous faut bien recognoistre nostre neant, mais il n’y faut pas demeurer, car nous ne nous anéantissons que pour nous unir à nostre tout qui est Dieu. Il ne se faut pas despouiller pour demeurer nud, mais il se faut despouiller de nous-mesme pour se revestir de Dieu.

Celuy qui prie sans attention, son oraison est infructueuse. Il faut aller à l’Office divin avec un cœur angelique et divin, puisque nous faisons ça bas ce que les Anges font au Ciel. Il faut avoir une grande attention pour bien faire toutes nos prières et oraisons, non point superficiellement et par maniéré d’acquit.

La vraye simplicité consiste à tenir sa mémoire, son entendement et sa volonté vuides de toute chose, fors que de Dieu.

Il faut pour acquérir les vertus vrayes et solides, ne regarder que Nostre Seigneur en tout ce que nous faisons.

Il n’y a rien que Dieu ayt tant à contre-cœur que la négligence, c’est pourquoy il dit qu’il vomira les tiedes. Ceux-là sont tiedes qui vont lentement au service de Dieu et comme par coustume, disant : Allons tousjours ; pourveu que nous arrivions une fois à la perfection, ce sera assez. Ou il faut travailler fervemment, ou il faut quitter tout, car en la maison du juste il n’y a rien de paresseux.

D

CE QUE NOSTRE SAINT FONDATEUR NOUS DIT DANS SON DERNIER

VOYAGE A PARIS, EN PRESENCE d'üN DE MESSIEURS SES FRERES

ET D’UNE AUTRE PERSONNE DE SES AMIS, NOUS DISANT ADIEU.

(Ms.)

Ce fut à nostre parloir de la maison duPetit-Bourbon.Voicy ses propres termes, recueillis par nostre Sœur Anne-Marie Bollain :

Les Filles de la Visitation doivent estre fort fermes en la foy, humbles dans la conversation, honnestes de paroles, justes és jugemens sur les deportemens du prochain, équitables és actions, miséricordieuses és œuvres, réglées és mœurs, patientes et coura-

és tribulations, maladies et infirmités, souples à tous les

desseins et volontés de Dieu en toutes choses, douces et condescendantes au prochain, zelées pour la gloire de Dieu, ne cherchant qu’à luy plaire, unies inséparablement à son amour par une fidelité inviolable à ne s’attacher qu’à luy seul, à se tenir en sa presence, à le preferer à tout par un amour de surestime : c’est là l’esprit de vostre Congrégation, mes cheres filles, et l’heritage que je vous laisse en vous disant le dernier adieu, avec ce souhait que vous soyez ci jamais unies.

E

VIVE f JESUS

RECUEIL DES QUESTIONS QUI ONT ESTÉ FAITES

EN NOSTRE MONASTERE DE LYON, A NOSTRE BIEN-HEUREUX PERE

(Ms. et Coll.)

La première fois qu’il arriva il nous entretint environ une heure et demie de la tranquillité d’esprit, avec ressentiment de dévotion, et nous dit plusieurs fois qu'il ne falloit jamais se mettre en peine de rien, ni perdre la paix du cœur pour chose qui nous peust arriver ; que pour luy il choisiroit plustost d’estre logé au coin d’une chambre, avec repos, que d’estre dans la Cour parmi le tracas des honneurs et richesses ; et pour cela il tesmoigna de desirer d’estre logé dans la chambre de Monsieur Brun, nostre confesseur. Nous luy dismes plusieurs fois qu’il en recevroit beaucoup d’incommodités ; il dit tousjours que non, et qu’il seroit mieux qu’il ne meritoit, et de plus, qu’il seroit proche de ses cheres filles. Et comme nous persistions à luy dire qu’il en seroit incommodé, il nous dit : «Je suis trop bien, ne vous mettez pas en peine, conservez la paix du cœur. » Et nous dit avec une façon si pleine d’humilité et de douceur : « Je voy bien que vous avez envie de vous défaire de moy ; mais, je vous prie, permettez que je loge là, et ne vous mettez nullement en peine que je ne sois pas bien ; car en vérité je couche à Neci dans une chambre qui est dix fois plus froide que celle-là. »

Et comme il continuoit tousjours à nous parler de la tranquillité d’esprit, nous luy dismes : Monseigneur, nous vous supplions tres-humblement de nous en faire un Entretien, et comme il se faut comporter en la déposition des Supérieures. « Je le veux bien, » dit-il, « mais il faut attendre que nostre Mere y soit.» Il s’estendit fort à parler du desnuement qu’il faut avoir en ces changemens-là : « Bien des larmes, » dit-il, « qui se jettent, en ce temps-là, ne proviennent que d’amour propre, de flatterie et de la crainte que l’on a qu’on ne pense que l’on n’est pas de bon naturel et que l’on n’ayme pas assez ; et tout cela ne sont que des petites dissimulations, où il y peut avoir du mensonge aussi bien qu’en nos paroles. Les filles sont grandement sujettes à telles imperfections, sur tout quand elles recognoissent que les Supérieures sont tendres et qu’elles prennent plaisir qu’on leur tesmoigne ces petites affections. De mille larmes que l’on jette en ces occasions-là, il y en a bien peu de véritables, et cela se fait fort souvent par imitation ; en fin cela sent la fille. Il est très vray que ces pleurs et larmes sont fort suspectes. Il faut avoir un amour solide qui ne depende point de ces tendretés ; le vray amour ayme autant loin que près, et ne s’attache pas à ce qui est d’humain ; en fin la grâce ne produit point tout cela. Que les filles regardent leurs Supérieures, tandis qu’elles les ont, comme tenant la place de Dieu, sans s’amuser à tant d’inclinations humaines qui ne sont rien moins que la vraye vertu. Si bien il est dit que sainte Therese pleuroit beaucoup à la mort de quelque serviteur de Dieu, elle ne doit pas estre imitée en cela, car il faut seulement imiter les vertus des Saints. »

Nous luy demandasmes s’il n’avoit point quelque prétention à fin que l’esprit de douceur et de simplicité qui se pratique parmi nous y fust conservé et qu’il y eust quelque liaison entre nos maisons ; que plusieurs personnes avoyent pensé qu’une Generale servirait grandement à cela. Il respondit avec une fermeté d’esprit extraordinaire : ;< Ma fille, ceste pensée ne fut jamais qu’humaine ; j’ay passé deux jours et deux nuits à y penser, parce que nostre Mere m’avoit escrit qu’on luy en avoit parlé, mais je ne vois aucune apparence à cela. » Et nous luy dismes : Quelle est donc vostre intention. Monseigneur ? « C’est qu’on laisse tout à la Providence divine. » Il nous a dit ceste parole plusieurs fois, et nous a fait cognoistre apertement qu’il n'avoit autre dessein. Nous sçavons qu’il a traitté de ceste affaire avec les Reverends Peres Jésuites,qui ont esté de mesme sentiment ; de quoy il tesmoigna d’estre fort ayse, disant que les affaires de Dieu se font tousjours avec difficulté. Il nous dit encore ensuite : « Le bonheur d’un Ordre ne dépend nullement d’un chef, cela se void tous les jours par expérience ; et ceux qui en ont eu, et de si excellens, n’ont pas délaissé de se relascher. Tout dépend de la fidelité que l’on a de s’unir à Dieu par la fidelité à l'observance des Réglés et Constitutions ; et on a beau rechercher des moyens, rien ne maintiendra la compagnie que la fidelité d’une, chacune à garder ses Réglés. » Et il dit encore qu’il n’avoit rien à desirer, sinon que Dieu donnast à nos Monastères l’esprit d’union et d’humilité. Celuy d’union se doit conserver par la parfaite observance, à fin .qu’elle persevere selon le bon plaisir de Dieu.

Nous luy demandasmes comme il se falloit comporter pour les affaires temporelles, veu que tout le monde nous portoit à nous y affectionner et attacher ; et que si nous voulions nous en desprendre, tous nous contrarioyent en cela, et que l’on me mettoit au devant les monastères bien bastis et rentés, que le nostre ne l’es toit pas. « Il est vray, ma fille, que le monde craint la pauvreté ; mais que faire à cela ? Il faut tesmoigner simplement que nous ne voulons point nous y attacher, ni perdre la tranquillité de l’esprit pour les biens de ce monde. » A ce propos on luy dit que le logis de nostre Prince Cardinal avoit esté bruslé, et qu’il avoit perdu six mille escus de vaisselle d’argent ; et je luy dis que c’estoit grand dommage, que cela nous feroit grand bien pour bastir nostre eglise. Il me tesmoigna d’en estre fasché, et me dit : « Mon Dieu, ma fille, n’ayez point ces désirs ; il y a peu de personnes qui sçachent trouver la veine de la vraye pauvreté, laquelle consiste à ne rien desirer, mais se contenter de ce peu que Dieu veut que nous ayons. Que nos Sœurs seroyent bien heureuses si elles estoyent pauvres et avoyent besoin de quelque chose.

« Le soin des Supérieures, leur dévotion et leur esprit doit suppléer à tout ce qui n’est pas escrit. L’exclusion des malades est tout à fait contre mon esprit et sentiment : qui laissera gouverner la prudence humaine et naturelle gastera la charité. » Il dit encor : « Si l’on venoit un jour à faire difficulté de recevoir les infirmes en nos maisons, je retournerois et ferois tant de bruit par vos dortoirs, que je ferois sçavoir que l’on fait contre mon intention. »

Nous luy dismes si c’estoit son intention que les filles demandassent à leurs parens, quand ils sont riches et que les maisons estoyent incommodées. Il nous dit que non, et qu’il aymoit mieux que la maison fust incommodée et eust besoin de quelque chose, que de permettre aux filles ces affections qui ne nourrissent que trop leur amour propre, non pas mesme pour la sacristie, quoy qu’elle fust pauvre.Que s’ils donnoyent,il falloit recevoir humblement,et ne rien demander, non pas mesme desirer, si ce n’est en quelque occasion rare et particulière ; il est tousjours mieux de se tenir en la pauvreté.

Nous luy dismes si une Supérieure pourroit donner à une sienne parente qui seroit à Sainte Claire, qui luy demanderait l’aumosne. Il dit que ouy, tout de mesme qu’elle le permettrait à une Sœur. Et je luydis que j’avois souvent du scrupule et remords de conscience de ce que je n’estois pas assez ferme pour les choses temporelles, craignant que les parens ne donnassent pas assez à leurs filles par

Appendice 4i i

ma faute et que la maison ne fust pauvre. Il me dit : « Ne vous mettez pas en peine pour cela. Il se faut priver des biens, non pas par desdain ni mespris, mais par abnégation. »

Il me dit apres : « Nostre Mere desire que j’escrive sur les maximes du Fils de Dieu ; je les honnore, je les revere et les respecte de tout mon cœur, mais je ne les pratique pas. Le Fils de Dieu a dit : Ne plaidez point ; si je ne le fais, tout le monde est contre moy. Le Fils de Dieu a dit : Si on vons demande vostre manteau, donnez encore vostre robe; si je le veux faire, on me dit que j’ay grand tort, que je ne me laisseray rien, que je suis desja assez pauvre. Le Fils de Dieu a dit : Si on vous donne un soufflet, tendez l’autre joue; le monde ne veut point cela, ni ne veut supporter la moindre injure. Le Fils de Dieu a dit : Soyez débonnaires; et l’on veut que je me fasche; si je ne le fais, on l’attribue à bestise. »

Nous luy demandasmes si c’estoit son intention qu’en toutes nos maisons on donnast l’aumosne. Il dit que ouy, « selon les maximes du Fils de Dieu. » Mais si l’on n’est pas asseuré si ceux à qui on la fait sont de vrays pauvres ? « Il est tousjours bon toutesfois de donner l’aumosne.»

Luy parlant s’il trouvoit bon qu’en nos maisons on nourrist les confesseurs, il respondit : « Pour moy, si j’estois confesseur de Sainte Marie, ce que je ne merite pas (il est vray que je ne le mérité pas ; ce bien seroit le plus grand bonheur pour moy que je peusse jamais esperer, que de me voir confesseur de la Visitation et deschargé de toute autre chose), mais si cela estoit, j ’aymerois mieux me nourrir comme je pourrais, que de donner l’incommodité aux Religieuses de m’apprester mes repas, et leur donner cognoissance de mes imperfections quand je serais ennuyé, degousté et un peu difficile aux viandes. Et qu’ont à faire les servantes de Dieu d’estre importunées de mes infirmités ? n’est-il pas mieux cent fois qu’elles demeurent en leur quiétude et repos, que d’estre employées dans le tracas ? Voyez-vous, ma fille, il est grandement important de ne point donner ceste ouverture aux confesseurs. Je ne voudrais pas pourtant que vous commençassiez par celuy que vous avez maintenant ; il est si bon et facile, qu'à mon advis il n’y a point de difficulté avec luy. Puisque vous avez commencé à le nourrir, continuez, mais prenez garde pour les autres. J’aymerois mieux qu’on creust leur pension.

« Il est vray, ma fille, que je ne trouve jamais à redire aux viandes, tant que je puis, sinon quelquefois qu’elles sont trop bonnes : ne faut-il pas faire ainsi, ma fille ? Vous craignez qu’il ne fasse mal au cœur de nos Sœurs, de manger des entrées de table faites des restes ; il me fait mal à moy d’en entendre parler, mais d'en manger, jamais.

« La pauvreté et la simplicité vous sont grandement recommandées ; neantmoins, vous dites qu’il y a des Sœurs qui sur ce que je dis aux Constitutions, que la Congrégation a un interest nompareil que la charge de la Sacristie soit passionement bien exercée, entendent qu'il faille avoir des grandes sollicitudes à fin que rien n’y manque et qu’il y ayt quantité de belles besognes. O Dieu, est-il possible qu’on prenne si mal les choses, et qu’on suive si fort ses inclinations ! N'ont-elles point remarqué en tant d’endroits des Constitutions, la tranquillité qui leur est tant recom mandée, laquelle ne se doit jamais perdre pour chose que ce soit ? J’ay remarqué ces affections à nos Sœurs d’Annessy : quand elles ont des charges, elles ne voudroyent pas que rien leur manquast, et quand elles ne les ont plus, elles ne s’en soucient pas. Il y a deux choses à corriger en vostre sacristie, car cecy estant la seconde Maison, je desire que tout y aille bien comme en la nostre d’Annessy. La première, c’est que vostre cingule est trop beau, il n’est pas assez simple ; il suffit qu’il y ayt deux rubans avec le grand cordon, les autres sont superflus. Vostre aube est trop passementée ; il ne faut point [de passementerie] dessus ni dessous les manches ; suffit que ce soit aux coutures, et encor, qu’elle soit bien petite. Ce que je dis aux Constitutions de ne point mettre de poupées sur l’autel, est parce que pour l’ordinaire elles sont mal faites et c’est une grande perte de temps, et que les filles naturellement se plaisent à cela ; mais pour des anges et chérubins vous en pouvez mettre sans scrupule. »

Nous luy dismes un jour que nous craignions qu’il y eust bien du danger, quand les Supérieures n’auroyent pas l’esprit de la Réglé, « Que feriez-vous là ? si elles sont fidelles à les observer, Dieu le leur donnera avec le temps. » Il nous dit qu’il « seroit tousjours mieux de faire élection d’une fille qui seroit d’une grande vertu, quoy qu’elle fust jeune. Dieu ayde aux âmes qui vont en simplicité et confiance. » Il dit encor qu’il luy faschoit grandement quand on faisoit élection d’une Supérieure qui n’avoit pas la vertu et capacité requise pour sa charge.«Il y a peu de Supérieures qui se meslent des affaires temporelles. Il n’est nullement necessaire pour leur charge ; il leur faut donner une bonne Econome pour les soulager. » Nous luy dismes : Monseigneur, il me semble qu’ayant confiance en Dieu il ne manque pas de donner la lumière pour les charges, et que la charité est toute chose. Il respondit : « Il est vray, vous avez raison ; quand les Supérieures se tiennent bien unies avec Dieu, il ne manque pas de les enseigner. »

Parlant des Supérieures qui demeurent trop long temps au parloir, il dit : « Je ne l’approuve nullement ; mais que faire à cela ? »

Parlant de la déposition d’une Supérieure de laquelle les Sœurs avoyent esté grandement touchées, et ne pouvoyent s’accoustumer de l’appeller ma Sœur, ains tousjours Mere, il respondit d’une face tout à fait aymable : « Qu’elles l'appellent ma Grand Mere, si elles veulent, je ne sçaurois qu'y faire ; mais cependant, je voy que ces filles n’honnorent ni n’observent leurs Réglés et Constitutions. »

Nous luy dismes : Monseigneur, quand vous aurez fait l’Entretien comme il se faut comporter és dépositions et élections des Supérieures nous ferons des merveilles à le bien pratiquer. Il respondit : « Nos paroles ne font pas des miracles ; il faut s'adonner à la pratique que les Constitutions nous enseignent : elles disent prou comme il faut faire, mais les filles ont tant de petites volontés, qu’elles ayment mieux suivre qu’obéir ! Et que faire là ? Il faut laisser pleurer les filles et tesmoigner les affections qu’elles ont, car elles penseroyent qu’on croiroit qu’elles n’ont point d’amour, si elles ne tesmoignoyent tout cela, qui n’est que foiblesse de filles.

« Il ne faut rien dire ni faire pour estre aymés ni estimés des créatures, ni pour estre mesprisés, et faut croire que si les créatures ne nous ayment pas icy bas, elles nous aymeront au Ciel où nous nous verrons tous. Et puis, dequoy nous mettons-nous tant en peine d’estre aymés des créatures, pourveu que l’on le soit du Créateur ? Comme cela nous est très asseuré, cela nous doit suffire.

« Quand on vous demande si vous direz tousjours le petit Office, dites que ouy, parce que vous esperez d’en obtenir la permission du Pape, et que vous l’avez desja pour dix ou douze ans ; et c'est mon intention et mon désir que vous le disiez tousjours ; mais si on me contrarioit je laisserois faire. »

On luy demanda s’il se falloit confesser des imperfections, s’il estoit mal de le faire. Il dit qu’il apprenoit en la théologie, qu’il ne le falloit pas faire, mais que nous le pouvons sans qu’il y eust de mal ; que la methode qu’on nous avoit donnée nous le permet parce que nous ne sçavons pas discerner quand il y a du péché, c’est pourquoy nous donnons une généralité. Mais que pour les confessions ordinaires il n’en faut pas beaucoup dire ; le plus, deux ou trois. « Cela est bon d’en dire és confessions extraordinaires et annuelles ; et quand nous n’avons rien à dire pour nous confesser, il faut dire un péché du monde.

• « Nous pouvons bien nous confesser quand nous avons du • Cf. l’Entretien xv, sentiment de quelque chose et quand nous avons fait quelque action p' 28?' en suite, quoy que legere, comme de dire quelque parole, car il y peut avoir du péché. Il ne se faut pas mettre en peine de cela, car nous n’avons pas une perfection qui soit exempte d’amour propre qui ne nous fasse faire au moins quelque faute par cy par là ; il ne s’en faut nullement estonner. L'on s’en peut accuser ainsi ; Je m’accuse d’avoir fait quelque action par le mouvement du sentiment que j’avois à quelque chose que l’on faisoit contre mon inclination ou par impatience. Mais quand nous ne faisons rien par ce mouvement, il n’y a point de mal mais du merite. »

Et quant à l’acte de contrition, il dit que pour le bien faire il faut avoir un regret du mal passé et une resolution de ne le plus commettre, et le detester de tout son cœur. « Il ne faut pas avoir un sentiment qui nous fasse jetter des larmes, mais un desplaisir d’avoir ofïencé Dieu. Ce n’est pas chose contraire à la bonne volonté de retourner tousjours aux mesmes fautes, pourveu que ce ne soit pas volontairement. Le bon acte de contrition consiste à avoir une ferme resolution de ne vouloir plus offencer Dieu.

• « Pour les paroles inutiles, à la récréation il ne s’en dit pas ;

, . . ,

tout ce qui se dit par récréation n’est pas inutile. Il se faut bien recreer, et ne pas tenir tousjours l’esprit bandé, car il seroit dangereux de devenir triste et mélancolique. Il n’y auroit point de mal quand bien on auroit passé toute une récréation à parler de choses indifferentes, les paroles n’en seroyent pas inutiles ; il ne faut pas tousjours parler de choses bonnes. Les propos saintement joyeux sont quand il n’y a point de mal en ce que l’on dit, et qui ne regarde point l’imperfection d’autruy, car cela il ne le faut pas faire, ni parler du monde et de choses messeantes. De se rire un peu d’une Sœur, de dire quelque parole qui la mortifie un peu, [il n’y a point de mal,] pourveu que cela ne l’attriste pas, car il ne le faudroit pas faire ; mais si cela arrivoit, il ne s’en faut pas confesser, quand on l’auroit fait par simple récréation. Quand nous tendons à la perfection, il faut tendre au blanc, et ne se pas mettre en peine quand nous ne rencontrons pas. Il faut aller fort simplement, à la franche marguerite, et bien faire la récréation ; que si nostre. attention estoit en quelque chose, il l’en faudroit oster, si elle nous empeschoit de la faire. Et quand bien mesme on n’auroit pas pensé de la faire pour Dieu, il n’en faudroit point recevoir de scrupule, car l’intention generale suffit, quoy que pourtant au commencement il faut tascher de la dresser. Il la faut bien faire faire aux Novices, et il est de tres-grande importance que les filles la fassent bien.

« Quand nous avons des pensées de mesestime contre le prochain, il n’y a point de mal quand nous ne les rejettons pas faute d’attention ; suffit que nous les rejettions quand nous nous en appercevons.

. ■ nnP vous me demandez s’il faut laisser de dire ses

Ft quant a tu

. g ou quelque chose qui feroit voir du bien en nous, crainte pelllvous avez de ne le pas sçavoir dire, et que vous donnez plustost qUe t de vous faire estimer que de vous accuser : ô ma fille, il se f ut tousjours descouvrir naïfvement et simplement, tant du bien

du mal, pourveu que vous n’ayez pas intention de vous faire estimer. Si on le fait, ne vous en mettez pas en peine, non plus ue si on vous mesprisoit, et n’amusez point vostre esprit à tout cela.

« Il n’est pas mal de revenir quelquefois sur soy-mesme, pourveu que ce soit pour nous humilier, comme de penser en nostre ingratitude, mais il faut tousjours se tourner à Dieu ; car, comme je dis en quelque lieu, ce n’est pas proprement faire oraison, que de tousjours réfléchir sur soy, puisque l’oraison est une eslevation de nostre esprit en Dieu pour s’unir à luy. Il faut suivre les discours quand Nostre Seigneur nous y attire, mais il faut tascher de nous advancer à la perfection par la voye la plus simple et n’estre pas si fine. Nous ne pouvons pas avoir une continuelle presence de Dieu, cela n’appartient qu’aux Anges ; il suffit de nous y tenir tant qu’il nous sera, possible, et d’eslever souvent nostre esprit en Dieu : je n’entens pas d’avoir tousjours l’esprit bandé. Que si ce que nous faisons nous tire hors de nostre attention à Dieu, et qu'il soit necessaire, il ne s’en faut pas mettre en peine. Il suffit de faire toutes vos actions pour Dieu tout simplement ; et quand mesme vous n’auriez pas pensé de dresser vostre intention avant que de faire et commencer vostre action, il suffit de le faire apres, et n’en recevez aucun scrupule : l’intention generale que nous faisons le matin suffit. Quand nous faisons quelque chose pour Dieu, c’est estre en sa presence ; le désir que nous avons de nous tenir en sa presence nous sert [d’attention à la] presence de sa Bonté. Il ne faut point s’estonner quand nous ne nous tenons pas en ceste sainte presence comme nous désirerions. On est bien heureux d’avoir ceste sainte affection de servir à Dieu, et ne faut point faire d’estat de n’avoir pas le sentiment que nous désirerions en son service. Et s’il vous semble que vous vous amendez de vos imperfections plustost pour la répugnance que vous avez de ce qu’on vous reprend, que pour Dieu, ne faites nul estât de cela ; dressez vostre intention, et il n’y aura point de mal. Si bien vous faites des fautes par le mouvement de vostre sentiment, n’y regardez pas de si près, et vous destournez de toutes ces reflexions ; il faut tendre au blanc de la perfection, et ne pas s estonner si nous ne rencontrons pas selon nostre désir. Ma chere fille, le désir des choses éternelles doit accoiser vostre esprit. sans vous soucier d’avoir du sentiment ; et mesme l’on doit croire qu’on n’est pas digne de l’avoir.

« Encore qu'il semble qu’on aye de la sensualité à manger, il n’est pas mal de le faire. Ne recevez point ces scrupules ; mangez pour Dieu, et vous tenez en repos. Allez tout simplement, sans croire que vous vous servez du pretexte de l’obeissance pour vous satisfaire ; quand vostre volonté n’y est pas il n’y a nul danger, c’est trop subtiliser.

« Il ne me fasche pas que l’on dorme à l'oraison, pourveu que l’on fasse ce que l’on peut pour se resveiller. Il faut souffrir humblement cela, et demeurer devant Dieu comme une statue, pour recevoir tout ce qu’il nous envoyera ; Nostre Seigneur se plaist quelques fois de nous voir combattre tout le temps de l’oraison le sommeil, sans nous en vouloir deslivrer ; il faut souffrir patiemment et en aymer nostre abjection. Et ne dites jamais que vous ne pouvez pas faire quelque chose, car nous pouvons tousjours quand nous voulons : ce seroit dire que Nostre Seigneur eust mis quelque impossibilité, ce qui n’est pas. Nous pouvons tout en sa grâce qui ne nous manque jamais.

« Pour nous disposer à la sainte Communion, il nous faut bien tenir proches de Nostre Seigneur, et luy dire des paroles selon nostre affection, et qu’il nous suggérera, considerant ou regardant qu’il se fait chair de nostre chair à fin de s’unir à nous ; et luy faut dire comme l’Espouse au Cantique, qu’il nous baise d’un baiser de sa bouche; eu il le fait quand il vient dedans nous,et alois l’ame peut dire : Mon Bien-Aymé est à moy, et je suis toute sienne.

« Nous ne serons jamais exempts de péchés veniels.

« L’accusation de nous-mesme ne nous sert de rien quand nous ne pouvons pas supporter d’estre reprise ; et si volontairement nous n’aymons pas qu'on voye nos defauts, ce n’est qu’amour propre. Ce n’est rien du sentiment qui nous vient d’estre accusée, pourveu que nostre volonté soit ferme à aymer son abjection. Il est tousjours mieux de tenir nostre ame en confiance en Dieu qu’en crainte, quoy que nous le fassions pour nous humilier. L’amour nous fait assez humilier.

« Ma fille, ne vous privez pas de la Communion par amertume de cœur, mais quand vous sentez cela, il s’en faut approcher pour se fortifier, et s’unir à Dieu par l’esprit de douceur. Il y a des defauts pour lesquels on s’en doit priver quelquefois, comme une action ou parole d’impatience ou soudaineté, qui auroit mal édifié le prochain.

« La fidelité de l’ame envers Dieu consiste à estre parfaitement resignée à sa sainte volonté, à endurer patiemment tout ce que sa Bonté permet nous arriver, faire tous nos exercices en l’amour et pour l’amour, et sur tout l’oraison, en laquelle il se faut entretenir avec Nostre Seigneur fort familièrement de nos petites nécessités, les luy représenter et luy demeurer sousmise en tout ce qui luy plaira faire de nous ; estre bien obéissante, faire tout ce que l’on nous commande, de bon cœur, encor que nous y sentions de la répugnance ; estre fidelle à partir si tost que la cloche nous appelle, et rejetter les distractions qui nous arrivent en l'oraison et à l’Office ; conserver une grande pureté de cœur, car c’est là où Dieu habite, et non pas dans les cœurs pleins de vanité et de présomption d’eux-mesmes, au contraire il les chastie et punit rigoureusement. Dieu vous a fait une grande grâce de vous avoir appellée en son service dés vostre jeune âge ; remerciez l’en bien de toutes les forces de vostre ame.

« Quand nous regardons à escient les imperfections des autres, ô Dieu, ma chere fille, cela est bien mal, il ne le faut pas faire ; mais quand quelquefois nous les voyons, il s’en faut destourner, et penser tout doucement au Paradis et aux perfections de Dieu et de Nostre Seigneur, de Nostre Dame et des Saints et Saintes et des Anges, et quelquefois nous regarder nous-mesme, nostre indignité et nostre bassesse ; et quand ces pensées nous viennent, nous nous devons humilier et anéantir jusques au centre de la terre, voyant que nous ne sommes que des petits vermisseaux, et nous voulons esplucher les actions des autres qui sont les espouses de Nostre Seigneur ! Nous devons bien faire voir à nostre cœur sa foiblesse, nous faisant à nous-mesme une petite réprimandé à fin d’estre sur nos gardes à l’advenir. O Dieu, ne faites pas ceste faute de regarder les imperfections des Sœurs, car cela retarderoit beaucoup vostre perfection et ferait beaucoup de dommage à vostre ame.

« Quand on a de la peine de ne pas parler assez à la Supérieure ou à la Maistresse, je conseille de le dire, et voudrais qu’on m’en donnast une bonne penitence ; mais le vray moyen d’empescher tout cela est de s’attacher au Créateur et non pas à la creature.

« Pour nous bien préparer pour l’oraison il faut y aller avec une grande humilité et recognoissance de nostre neant, invoquant l’assistance du Saint Esprit et celle de nostre bon Ange, et se tenir bien coye durant ce temps-là, en la presence de Dieu, croyant qu’il est plus en nous que nous-mesme ; et, bien que nostre oraison soit privée de discours et considération, il n’y a nul danger, car elle ne dépend point du discours ni de la considération. L'oraison est une pure attention de nostre esprit en Dieu ; tant plus elle est simple et desnuée de sentiment, et plus elle est oraison. Peu de personnes

27

entendent ceste vérité, principalement les femmes, auxquelles le discours est grandement nuisible à cause de leur ignorance. Toutesfois, je conseille de ramener son esprit par considération, parmi la journée si l’on peut ; mais de penser à ses péchés pendant le temps de l’oraison, il ne le faut pas faire. Quand ces pensées vous arrivent, il faut faire un simple abaissement de vostre esprit devant Dieu, de tous vos péchés, sans les particulariser, car ce seul acte suffit ; pour l’ordinaire ces pensées ne nous servent que de distraction.

« Vous serez en toutes vos actions en la presence de Dieu si vous les faites toutes pour Dieu. Mangez, dormez, travaillez pour luy ; c’est estre en sa presence. Il n’est pas en nostre pouvoir de l’avoir actuellement, si ce n’est par une grâce particulière. Faisant quelques œuvres où il y faut mettre son attention, il faut de temps en temps remettre son esprit en Dieu ; et quand nous y avons manqué il s’en faut humilier, et de l’humilité aller à Dieu, et de Dieu à l'humilité, avec confiance, luy parlant comme l’enfant fait à sa mere, car il sçait bien ce que nous sommes.

«■ Ce seroit mal fait de parler du monde et de soy toute une récréation ; pour une fois ou deux, un mot ou deux pour divertir une Sœur, il n’y a point de mal, il ne s’en faut pas confesser. Ayez un grand soin de pratiquer la simplicité et de rabaisser vostre esprit ; quittez la sagesse et prudence humaine, et prenez celle de la Croix.

« Ne vous estonnez point des tentations ; tenez-vous comme un vray neant ; vuidez vostre cœur de toutes les affections mondaines et y gravez Nostre Seigneur crucifié ; rendez-luy grâce de vostre vocation et resolvez-vous d’obeir, car possible ne commanderez-vous jamais ; et ne faites pas comme plusieurs qui disent : Je ne voudrais pas estre Supérieure, mais tenez-vous tousjours en la sainte indifférence : ni rien desirer, ni rien refuser.

« O qu’il est bien raisonnable que nous nous privions des contentemens du monde pour Dieu, puisqu’il se prive de sa gloire pour nous. Vous avez assez la lumière pour voir en quoy consiste le bonheur de vostre vocation. Il ne faut jamais dire que nous ne pouvons pas faire quelque chose, mais vous faites bien de dire qu’il vous semble ; car on peut tout en la grâce de Dieu, lequel ne nous laisse pas en nos nécessités.

« Pour l’oraison, il n’y a aucun danger de s’asseoir pour quelque temps quand la nécessité le requiert, mais il n’y faudrait pas demeurer tout le temps de l’oraison ; il ne faut pas avoir tant de tendretés, lesquelles sont dangereuses et nous nuisent bien en la voye de nostre salut. Les maladies du corps n’empeschent pas à la dévotion, au contraire elles nous aydent, si nous les prenons de la main de Dieu. L’on peut tousjours porter son visage gay parmi les Sœurs ; le mal qu’on sent ne l’empesche pas, si ce n’est quelquefois que l’on a les yeux abattus.

« O ma chere fille, gardez-vous de ces reflexions, car il est impossible que l’Esprit de Dieu demeure en un esprit qui veut sçavoir tout ce qui se passe en luy. Bon courage ; d’une petite fille foible, faites en une toute genereuse qui surmonte toute difficulté.

« Il ne faut pas pleurer inutilement, car si nous devons rendre compte des paroles inutiles, à plus forte raison des larmes jettées sans sujet. Il se faut aussi garder de dire des paroles inutiles, et quand on y a manqué deux ou trois fois il s’en faut confesser.

« Quand on fait ses vœux selon les Réglés, on les fait en sorte qu’elles n’obligent point à péché ; c’est pour quoy la Réglé ni les Constitutions ne sont point la cause de nos péchés.

« Il faut avoir un grand courage, car, ma chere fille, vous estes fille de Jésus Christ crucifié, vous ne devez donc avoir prétention en ceste vie, que celle de l’union de vostre ame avec Dieu. Vous estes bien-heureuses vous autres, vos Réglés et tous vos exercices vous portent à ceste union.

« Il faut avoir une grande constance en nos ennuis, car pendant que nous serons en ceste vie nous ne serons pas tousjours en mesme estât, cela ne se peut.

« La vertu de nostre première offrande que nous avons faite en nous sacrifiant à Nostre Seigneur suffit, encore que nous n’ayons pas ceste attention à luy offrir tout ce que nous faisons. Les sentimens ne sont point necessaires pour la perfection que nous desirons ; car Nostre Seigneur estant au Jardin, délaissé de toute consolation, ne laissa pas pour cela d’accomplir la volonté de son Pere.

« Quant au bon et vray gouvernement, il ne dépend point des talens naturels, mais de la grâce surnaturelle, laquelle donne beaucoup plus parfaitement l’experience qui est necessaire, que ne fait toute la sagesse et prudence humaine, quoy qu’avec moins d’esclat, en quoy consiste son excellence.

« Il faut prendre les commodités necessaires à vostre corps, comme le chauffer, manger et vestir, avec actions de grâces et humilité, et non pas avec ennuy d’esprit, et ne desirer point d’estre plainte en vos incommodités. Cela est bon pour des filles foibles ; les filles de Dieu ne doivent point s’amuser à ces tendretés. Les Constitutions vous enseignent ce que vous devez faire : demandez tout simplement, sans scrupule, ce qui vous est necessaire.

« Conservez bien le désir que vous avez d’observer vos Réglés, car elles sont toutes d’amour ; ressouvenez-vous que vous ne manquerez pas de difficultés, mais ne perdez pas courage, esperez en Dieu, et vous jettez entre les bras de sa divine Providence. Il n’y a chemin plus asseuré que celuy de la souffrance, pourveu qu’on souffre avec amour, douceur et patience, et par là on pourra imiter Nostre Seigneur et tous les Saints. Il faut croire que tout ce que nous souffrons est peu devant Dieu ; il faut penser le moins que nous pouvons à ce que nous souffrons.

« Vous vous pouvez bien destourner du sentiment de la délectation qui vous vient en prenant les choses qui vous sont necessaires ; comme qui passerait par une rue et rencontrerait beaucoup de boüe, il ne ferait rien autre que prendre un autre chemin : et ainsi devons-nous faire, sans y penser davantage.

« Il est vray qu’il est bon de couper court à toute sorte de devis, si ce n’est en ceux qui regardent le bien spirituel ; si est-ce qu’il ne faut pas interrompre le pere ni la mere quand ils commencent un discours, mais lors qu’ils l’ont parachevé, il leur faut parler de choses bonnes pour leur consolation, sans toutesfois faire la suffisante. Escoutez-les doucement sans les interrompre, car ce n’est pas mon intention, sinon à des personnes qui apportent beaucoup de nouvelles du monde, desquelles vous ne vous devez pas enquérir. Mettez vostre confiance en Dieu, car les parens oublient bien tost leurs enfans.

« L’humilité est une vertu si excellente qu’il faut estre bien saint pour l'avoir parfaitement ; c’est elle qui amene toutes les autres. Or, faire ses actions avec esprit d’humilité, c’est les faire avec intention de les faire avec humilité. Ainsi devez-vous faire en toutes vos actions et œuvres, à fin d’imiter Nostre Seigneur qui s’est humilié jusques à la mort de la croix.

«Nous devons estre bien aysesd’avoirquelques choses qui peuvent servir aux autres, comme de prester les besognes de la sacristie. O mon Dieu, baillez-les de bon cœur ; si Dieu permet qu’elles se gastent, il vous donnera de quoy pour en acheter d’autres. Et puis cela est si peu de chose, qu’il ne faut pas y amuser son esprit, mais l’occuper à la vie eternelle.

« Il est vray que la charité donne le prix à nos œuvres, et n’y a que Dieu qui la puisse donner ; attendez-la plus de luy que de vous-mesme.

« Il est bon que vous n’aymiez guere à parler de vous-mesme ; le moins qu’on le peut faire, soit en bien soit en mal, c’est le meilleur.

« L’article de la chasteté consiste principalement à avoir une grande simplicité et pureté de cœur, et n’avoir point de pensées contraires, je dis volontairement.

« Il importe peu que la parole de Dieu soit dite d’un style haut ou bas ; ce n’est qu’une recherche humaine, qui ne veut en tout que l’excellence.

« Il faut s’abandonner entre les bras de Dieu, et le servir à la façon qui luy plaira. Le vray zele consiste à se laisser conduire à Dieu et à nos Supérieurs.

« Il importe grandement de nourrir les filles aux vérités et clartés de la foy ; encore qu’elles ayent de la peine, il ne faut pas laisser de les eslever à cela, et ne leur pas permettre de s’amuser à ces tendretés et sentimens qui ne sont rien moins que la vraye vertu. Beaucoup parler ne sert de rien, l’importance c’est qu’il faut faire.

« Vostre entrée en Religion est pour l’amour de Dieu ; soyez indifferente par quelles voyes il plaira à sa Bonté vous conduire, soit par la consolation, affliction ou abjection ; vous méritez autant d’un costé que de l’autre. Ma fille, sainte Blandine quand les payens la martyrisoient, elle disoit : « Je suis Chrestienne ; » de mesme, quand nous avons quelques douleurs et ennuis, il faut dire : Je suis Chrestienne.

« La peine que nous avons de souffrir l’abjection, la crainte d’estre humiliée, sont des imperfections auxquelles nous sommes tous sujets ; il ne faut point s’en estonner, mais prendre bon courage et mettre son cœur en Dieu, ne désirant autre chose que de luy plaire. L’humiliation n’est pas si mauvaise que nous pensons, elle ne nous fera pas tant de mal que nous pensons et qu’il nous semble ; ne la craignons pas tant. Voyez Nostre Seigneur qui s’est tant humilié, jusques à la mort, et tous les Saints qui ont recherché avec tant d’affection les occasions de pratiquer ceste vertu. Soyez bien ayse de celles qui se présentent à vous, recevez-les de bon cœur, avec amour ; recevez, aymez et embrassez l’aneantissement et abjection ; que vos affections soyent en Jésus Christ crucifié. Ne vous estonnez pas de la vanité, combattez-là fidellement ; pourveu que vous ne fassiez rien en suite, il n’y a point de mal.

« Vous desirez sçavoir comme il s’entend qu’il faut méditer jour et nuict en la loy de Dieu. C’est de faire toutes nos actions pour sa plus grande gloire, et avoir son cœur attentif à luy ; et ne pensez pas pour cela qu’il faille estre tousjours à genoux.

« Vous demandez comme je fais de voir empresser un chacun,

sans me mettre en peine de rien. Je ne suis pas venu au monde

pour y apporter du tracas, j’y en trouve assez. Je suis si ayse, quand

on me demande où je suis logé, de dire que c’est chez le jardinier de

nos Filles de Sainte Marie.

« Il se trouve peu de filles qui ne soyent opiniastres ; quand on

fait rencontre d’une qui ne l’est pas, il la faut tenir bien chere. Et

quand les tentations d’envie viennent de ce que nos Sœurs font

mieux, ou sont plus aymées que nous, il faut tordre son cœur comme une serviette pour le faire venir à la raison.

« Non, ma fille, il ne faut point s’amuser à des petits désirs qui tiendroyent vostre cœur trop bas et l’empescheroyent de s’appliquer aux solides vertus. Or, pour le froid, sçavez-vous quand il le faut souffrir ? c’est quand la Supérieure vous envoyé au jardin cueillir des herbes et que vous fussiez en danger que les mains vous gelassent sur la plante ; il ne faudrait pas laisser de le faire, parce que c’est l’obeissance.

« Il faut avoir un grand support de nos Sœurs et les ayder et soulager tout ce que nous pouvons, et ne pas croire qu’elles ayent peu de mal, car ce n’est pas à nous à faire ce discernement.

« Nous n’irons pas au Ciel pour avoir bien chanté, mais si ferons bien pour avoir obéi. Dieu ne nous demandera pas compte si nous avons dit beaucoup d’Offices, mais ouy bien si nous avons esté bien sousmis à sa volonté.

« Vous m’avez dit encore, comme s’entend ce que disent les Constitutions : de ne se servir de nostre cœur, ni de nos yeux, ni de nos paroles, que pour le service de l’Espoux celeste, et non pour le service des humeurs et inclinations humaines ? O ma fille, que vous me parlez d’une perfection que bien peu de gens pratiquent, bien qu’ils le doivent tous faire. Voyez-vous, ma fille, par exemple, voila deux de nos Sœurs : l’une que vous aymerez bien, et l’autre à laquelle vous n’aurez pas tant d’inclination à l'aymer, et par ce moyen vous ne la regarderez pas de si bon cœur que l’autre que vous aymez bien ; au contraire, si vous l’aymiez bien purement pour Dieu, vous regarderiez d’aussi bon cœur celle que vous n’aymez pas comme celle que vous aymez bien, et luy souhaiteriez autant de bien qu’à l’autre.

« Il est vray que j ’ayme grandement tout le monde, notamment les âmes simples. Pour ce qui est de l’honneur qu’il vous semble que je porte à un chacun, la civilité nous apprend cela, et puis j’y suis porté naturellement ; je n’ay jamais sceu faire conime plusieurs personnes font, auxquelles il semble, quand elles sont eslevées en quelque dignité, qu’elles se doivent faire honnorer de tout le monde ; et quand elles escrivent elles ne veulent mettre, sinon aux personnes de grand respect, « tres-humble » et « bien humble. » Et moy je le mets à tout le monde, sinon que j’escrive à Pierre ou à François mes laquais, qui penseroyent que je me mocquerois d’eux, si je leur mettois « tres-humble serviteur. » Je ne fais pas grande différence d’une personne à une autre. »

Luy parlant de la condescendance, comme il faisoit pour se rendre si facile à tout le monde, il nous dit : « Je n’ay pas grand peine à cela, il ne me fasche jamais de le faire, ouy bien quand je ne le fais pas ; naturellement je n’ay pas mes volontés fortes, et puis» ne faut-il pas estre ainsi condescendant au prochain ? Je ne sçay point contraindre les inclinations; quand je voy qu’on desire quelque chose, je laisse faire. »

Luy tesmoignant que je desirois bien fort de prendre son esprit de condescendance à son imitation, je luy dis qu’il se rencontroit souventesfois que l’Office Sonnoit et qu'il falloit aller au parloir, et que mesme le jour de Noël j’avois perdu Compiles pour une chose legere et de peu d’importance. Il me dit : « Cela c’est une vraye condescendance, ma fille, comme à ceste heure vous en faites une d’estre avec moy..» Cela c’estoit le jour de saint Estienne, pendant None, qu’il nous parla avec suavité de ceste sainte vertu. Il nous dit : « Il faut açcoustumer les séculiers à venir hors le temps des Offices, tant qu’il se peut. » Luy parlant des prédications et confessions : « J’ayme grandement entendre la parole de Dieu. Je n’ay rien de bon en moy que cela. Je fais plusieurs manquemens en la confession, mais pourtant je n’y en fais pas deux : je n’y suis point curieux et je ne dissimule point. »

Il nous tesmoigna une fois qu’il desiroit que la fondation de Besançon se fist, et il nous dit qu’il estoit bien ayse que nos Sœurs s’estendissent, parce qu’elles vivent avec beaucoup de paix et douceur.

Luy disant une fois que nous desirions grandement en ceste maison de prendre son esprit, il nous respondit : « Dieu vous en garde ! prenez celuy de Dieu et de saint Augustin. »

Apres avoir confessé une de nos Sœurs, laquelle il avoit entretenue environ une heure et demie, nous luy dismes qu’il estoit admirable en sa douceur d’avoir pris la peine et patience de l’escouter si long temps, et lors il nous dit : « Tout beau, tout beau ! il faut traitter les malades comme malades. Quand elles rendent compte il est bon de leur retrancher les discours tant qu’il se peut. »

Nous luy demandasmes si c’estoit l’intention des Constitutions de

dire à la Supérieure ce que l’on pense [d’elle], parce qu’elles nous

envoyent à l’Ayde de la Supérieure. Il nous dit que ce qu’il avoit

mis dans les Constitutions cela n’estoit pour autre cause que pour celles qui n’ont pas la confiance de le dire à elle-mesme, mais que les plus confidentes sont les meilleures.

« Ouy, ma fille, vous pouvez recevoir les filles qui ne sont pas légitimés, et encore celles desquelles les parens ont esté exécutés pour quelque grand mal, car les filles n’en peuvent mais. » Je luy dis que je n’avois jamais osé en recevoir une en ceste ville, à cause qu’on ne l’approuvoit pas.Il nous dit: « Que ne nous l’avez-vous envoyée à Nessy ! »

« Non, il ne faut jamais permettre à nos Soeurs de quitter les Offices pour les ouvrages, non pas mesme pour la sacristie ; l’on peut bien quelquefois leur faire quitter la lecture, mais rarement. O que celles qui ont une grande affection de suivre en tout et par tout la Communauté sont heureuses 1 Dieu leur a fait une grande grâce. Je vous raconteray ce qui m’arriva une fois avec un bon Religieux, lequel desiroit fort de faire des pénitences et mortifications au dessus de la Communauté ; je luy parlay tout au long du bonheur de la suivre en tout, et le priay de se mettre en la pratique, ce qu'il fit ; et à quelque temps de là, il me vint trouver et me remercia de grande affection, et médit que j’estois causede son bien. »

Luy parlant qu’il y a quelques fois des filles naturellement sobres et qui pour l’ordinaire ne mangent que le tiers de leurs portions, s’il falloit leur dire résolument de manger davantage, il nous respondit qu’il seroit mieux de souffrir quelque temps un peu de peine à s’accoustumer, parce qu’il le falloit ainsi à cause qu’il leur pourroit nuire avec le temps. « Non, il n’y a point de péché veniel de manger avec goust, ce sont des imperfections de nostre nature. Il faut moderer l’avidité, et corriger les paroles aspres ; pour moy je ne suis pas grand censureur. Saint Bernard dit qu’il y a peu de personnes qui se rencontrent semblables à la conduite, mais pourtant, que celle de la douceur et suavité est la plus utile ; qu’on avoit beau faire et regarder de quel costé que l’on voudroit, il faut tousjours venir là.

« Je vois que toutes les Supérieures désirent de voir les filles maussades et fantasques esloignées de leurs monastères : car c’est la condition de l’esprit humain de ne se delecter qu’aux choses plaisantes. Mais je suis tout à fait d’advis qu’on n’ouvre point la porte au changement de monastère aux filles qui le désireront, ains seulement pour celles qui sans le desùer seront pour quelqu’autre raison legitime envoyées par les Supérieurs ; car autrement le moindre desplaisir qui arriverait à une fille seroit capable de l’inquieter et luy faire prendre le change, et au lieu de se changer, elle penseroit d’avoir suffisamment remédié à son mal que d’avoir changé de monastère. J’ay aussi presque une mesme aversion au désir que les Supérieures ont de descharger leur maison par le moyen des fondations ; car tout cela dépend du sens humain et de la peine que chacune a à porter son fardeau.

« Ce sera éternellement mon sentiment qu’on ne laisse jamais de recevoir les filles infirmes en la Congrégation, sinon que ce fussent des infirmités marquées aux Réglés et Constitutions. Recevez les infirmes; croyez-moy, la prudence humaine est ennemie de la bonté du Crucifix. Recevez charitablement les boiteuses, les bossues, les borgnes et mesme les aveugles, pourveu qu’elles soyent droittes d’intention, car elles ne laisseront pas d’estre belles et parfaites au Ciel. Et si on persevere à faire la charité à celles qui ont ces imperfections corporelles, Dieu en fera venir contre la prudence humaine, une quantité de belles et agréables, mesme aux yeux du monde. »

F