Lettre CCXX. Au Duc de Savoie, Charles-Emmanuel 1 Er

Pauvreté du prieuré de Bellevaux.

Le Prieur est digne des libéralités de Son Altesse.

Annecy, 29 mai 1604.

Monseigneur,

J'ay receu commandement de Vostre Altesse de lui donner advis certain de l'estat du prieuré et monastere de Bellevaux , par ce que sil est si miserable que l'on luy a fait entendre, elle veut relascher les decimes au Prieur . J'obeis donques a la voulonté de Vostre Altesse, et sur une particuliere connoissance que j'ay de la verité, je la puis asseurer que ce monastere, qui fust jadis asses celebre, est presque ruiné quant aux bastimens, et tellement appauvri quant au revenu qu'il ne sçauroit de long tems rendre cent ducatons annuels a son Prieur ; et pour la presente annee, ayant receu un grand degast par la tempeste, il n'y a pas, a beaucoup pres, dequoy supporter les charges. A quoy adjoustant l'indigence du nouveau Prieur et le desir quil a de resider et bien faire son devoir, la conclusion ne peut estre sinon que Vostre Altesse fera une sainte aulmosne d'exercer sa liberalité en ce sujet.

Je fay tres humblement la reverence a Vostre Altesse, priant Nostre Seigneur quil multiplie ses faveurs et sur elle et sur ses desirs, et demeurant, comme je dois,

Monseigneur,

Tres humble et tres-obeissant serviteur et orateur

de Vostre Altesse,

FRANçs; E. de Geneve.

A Neci, le 29 may 1604. A Son Altesse.

Revu sur l'original appartenant au comte Olivieri, à Turin.