Lettre DCCXL. À M. Bénigne Milletot

Souhaits de nouvel an.

Annecy, .1er janvier 1612.

Monsieur,

A ce commencement de nouvelle annee, je vous supplie de recevoir aggreablement le renouvellement des offres de mon bien humble service, qu'avec beaucoup d'affection, de sincerité et de reconnoissance je vous ay ci devant fait. Que si Nostre Seigneur exauce mes vœux, cet an vous sera l'an de prosperité, de contentement et de benediction sur vous, Monsieur, en vous et tout autour de vous, qui, par apres, en verres une grande suite de pareilz, lesquelz en fin aboutiront a l'annee eternelle, en laquelle vous jouires immortellement de l'Autheur de toute vraye prosperité et benediction.

C'est le souhait, Monsieur, de

Vostre tres humble et tres affectionné

serviteur en Nostre Seigneur,

FRANÇs, E. de Geneve.

Le premier jour de l'an 1612.