Lettre MCMLXXII. À un Ami

Condoléances et sympathies .

Monsieur,

Ces quatre lignes vous asseureront que j'ay autant participé a vostre desplaysir qu'amy que vous puissies avoir, et ay infiniment regretté la perte du bon exemple de vertu que cette chere ame donnait en sa famille et en son voysinage. Et quant a moy, qui l'estimais et avais une particuliere dilection pour elle, je n'ay pas manqué ni ne manqueray de la recommander souvent a Nostre Seigneur, comme aussi tout ce qu'elle a laissé de plus cher en ce miserable monde.

Que si je pouvais, par quelque bonne rencontre, vous tesmoigner en effect ce que je vous suis, vous auries grand sujet de vous asseurer de la veritable profession que je fays d'estre,

Monsieur,

Vostre plus affectionné amy et serviteur,

FRANçs, E, de Geneve,