Laus Dei
Gloria in excelsis Deo, et in terra pax hominibus bonæ voluntatis. Laudamus te. Benedicimus te. Adoramus te. Glorificamus te. Gratias agimus tibi propter gloriam tuam magnam. Domine Deus, Rex cœlestis, Deus Pater omnipotens. Domine Fili unigenite, Jesu Christe. Domine Deus, Agnus Dei, Filius Patris. Qui tollis peccata mundi, miserere nobis. Qui tollis peccata mundi, suscipe deprecationem nostram. Qui sedes ad dexteram Patris, miserere nobis. Quoniam tu solus Sanctus. Tu solus Dominus. Tu solus Altissimus, Jesu Christe, cum Sancto Spiritu, in gloria Dei Patris. Amen.
†. Domine, exaudi, etc.
B. Et clamor meus, etc.
Oremus.
Trinitas supersplendida, superfelix et vere clementissima; summa Majestas, quæ cuncta creasti, omnia implens, conservans ac moderans: quæ es ante omnia, non sola, post omnia, non præventa; in omnibus, non inclusa, extra omnia, non exclusa; supra omnia, non elata, infra omnia, non oppressa, manens semper in tua superessentiali simplicitate incommutabiliter subsistens : animam nostram circumda, præveni, protege; sicque nunc eam gratiæ tuæ splendore adorna, ut post exsilium præsens lumine gloriæ eam induas in æternum. Cui honor, beatitudo, vita et regnum per sæcula infinita. Amen.
†. Domine, exaudi, etc.
B. Et clamor meus, etc.
†. Benedicamus Domino.
B. Deo gratias.
†. Animæ omnium fidelium, etc.
AD COMPLETORIUM.
Adsit nobis, etc.
†. Ne projicias me, Domine, in tempore senectutis.12
R. Quum defecerit virtus mea, ne derelinquas me.
†. Deus, in adjutorium, etc.
R. Domine, ad adjuvandum, etc.
†. Gloria Patri. Alleluia.
Hymnus.
Principatus cum Angelis, Virtutes cum Archangelis Jubilant tibi, Trinitas, Ens una vera Deitas.
Dominationes cœli Cum sacris Potestatibus Te adorant, fontem veri, Cum supernis spiritibus.
O adoranda Trinitas, O inscrutanda Deitas; Deus Pater, Deus Fili, Deus alme Paraclete :
Culpas lava quibus prava Sordet conscientia, Ut sincere, mente vera, Fruamur tua gloria.
Honor, virtus, lætitia, Sempiternaque latria Deo Patri et Filio, Sancto una Paracleto. Amen.
Ant. Respondens.
Footnotes
Chapter 27 of 33