Psalmus: 21
Narrabo nomen tuum fratribus meis, in medio Ecclesiæ laudabo te.1
Qui timetis Dominum, laudate eum; universum semen Jacob, glorificate eum.
Timeat eum omne semen Israel, quoniam non sprevit neque despexit deprecationem pauperis.
Nec avertit faciem suam a me, et quum clamarem ad eum, exaudivit me.
Apud te laus mea in Ecclesia magna: vota mea reddam in conspectu timentium eum.
Edent pauperes, et saturabuntur; et laudabunt Dominum qui requirunt eum; vivent corda eorum in sæculum sæculi.
Reminiscentur et convertentur ad Dominum universi fines terræ.
Et adorabunt in conspectu ejus universæ familiæ gentium.
Quoniam Domini est regnum, et ipse dominabitur gentium.
Manducaverunt et adoraverunt omnes pingues terræ, in conspectu ejus cadent omnes qui descendunt in terram.
Et anima mea illi vivet, et semen meum serviet ipsi.
Annuntiabitur Domino generatio ventura; et annuntiabunt cœli justitiam ejus populo qui nascetur, quem fecit Dominus.
Ant. Dignus est Agnus qui occisus est, accipere virtutem, et divinitatem, et sapientiam, et fortitudinem, et honorem, et gloriam, et benedictionem.2 Qui dilexit nos, et lavit nos a peccatis nostris in sanguine suo.3
Capitulum.
Corpus meum dedi percutientibus, et genas meas vellentibus; faciem meam non averti ab increpantibus et conspuentibus in me.4 Dominus Deus auxiliator meus : ideo non sum confusus.
R. Deo gratias.
R. Nos autem gloriari oportet in cruce Domini nostri Jesu Christi, in quo est salus, vita et resurrectio nostra, † Per quem salvati et liberati sumus.5
†. Spiritus oris nostri Christus Dominus captus est in peccatis nostris.6 Per quem.
†. Gloria Patri. Liberati.
Hymnus.
Arbor decora et fulgida, Ornata Regis purpura, Electa digno stipite Tam sancta membra tangere.
Beata cujus brachiis Sæcli pependit pretium : Statera facta est corporis, Prædamque tulit tartaris. O Crux, ave, spes unica.
Hoc Passionis (recordationis, seu Exaltationis) tempore Auge piis justitiam, Reisque dona veniam.
Te, summa Deus Trinitas, Collaudet omnis spiritus ; Quos per crucis mysterium Salvas, rege per sæcula. Amen.
†. Intende in adjutorium meum.
B. Domine Deus salutis meæ.
Ad Benedictus, Ant. Christus.
Canticum.
Benedictus Dominus Deus Israel, quia visitavit, et fecit redemptionem plebis suæ.7
Et erexit cornu salutis nobis, in domo David pueri sui.
Sicut locutus est per os sanctorum, qui a sæculo sunt, Prophetarum ejus.
Salutem ex inimicis nostris, et de manu omnium qui oderunt nos.
Ad faciendam misericordiam cum patribus nostris, et memorari testamenti sui sancti.
Jusjurandum quod juravit ad Abraham patrem nostrum, daturum se nobis.
Ut sine timore, de manu inimicorum nostrorum liberati, serviamus illi.8
In sanctitate et justitia coram ipso, omnibus diebus nostris.
Et tu, puer, Propheta Altissimi vocaberis : præibis enim ante faciem Domini, parare vias ejus.
Ad dandam scientiam salutis plebi ejus, in remissionem peccatorum eorum.
Per viscera misericordiæ Dei nostri, in quibus visitavit nos, oriens ex alto.
Illuminare his qui in tenebris et in umbra mortis sedent, ad dirigendos pedes nostros in viam pacis.
Gloria Patri.
Ant. Christus exinanivit semetipsum, formam servi accipiens, in similitudinem hominum factus ;9 humiliavit se, factus obediens usque ad mortem, mortem autem crucis.
†. Domine, exaudi orationem meam.10
B. Et clamor meus ad te veniat.
Oremus.
Unigenite Dei, per tuam te precor ardentissimam dilectionem et incomprehensibilem pietatem, qua pro me incarnari, cum hominibus conversari, atque acerbissimam mortem pati dignatus es, et per anxietatem et angustiam qua pro me usque ad mortem tristis fuisti sanguinemque fudisti, per tuam quoque ligationem, consputationem, illusionem ac percussionem, ut nos tua semper caritate accendas, casto et filiali amore adimpleas : quatenus tibi soli semper placere desideremus, et tibi soli displicere formidemus ; de nullo contristemur, nisi quo te offendimus, nec de aliquo gloriemur, nisi quo tibi placemus. Qui vivis et regnas cum Deo Patre in unitate Spiritus Sancti Deus, per omnia sæcula sæculorum. Amen.
†. Domine, exaudi, etc.
B. Et clamor meus, etc.
†. Benedicamus Domino.
B. Deo gratias.
†. Animæ omnium fidelium defunctorum per misericordiam Dei et meritum passionis Christi requiescant in pace.
AD PRIMAM.
Ave, benignissime, etc., ut supra.
†. Adjuva me, etc.
B. Salvum me fac, etc.
†. Deus, in adjutorium, etc.
ß. Domine, ad adjuvandum, etc.
†. Gloria Patri.
Hymnus.
In passione Domini, Qua salus datur homini, Sit nostrum refrigerium, Et cordis desiderium. Portemus in memoria Tormenta et opprobria Christi, coronam spineam, Crucem, clavos et lanceam, Et plagas sacratissimas, Omni laude dignissimas, Acetum, fel, arundinem, Cordis amaritudinem. Istis cunctis satiemur, Dulciter inebriemur; Omni repleant virtute Hæc nos plenaque salute. Crucifixum veneramur Te, o Christe, et precamur Ut Beatis nos conjungas In æternum, et nunc ungas. Honor Christo venundato, Et propter nos pessumdato, Patri Sanctoque Flamini, Summo nostro juvamini. Amen.
Ant. Christo confixus sum cruci.
Footnotes
Chapter 4 of 11