Psalmus: 142
Domine, exaudi orationem meam, auribus percipe obsecrationem meam, in veritate tua exaudi me in tua justitia.
Et non intres in judicium cum servo tuo : quia non justificabitur in conspectu tuo omnis vivens.
Quia persecutus est inimicus animam meam, humiliavit in terra vitam meam.
Collocavit me in obscuris sicut mortuos sæculi, et anxiatus est super me spiritus meus, in me turbatum est cor meum.
Memor fui dierum antiquorum, meditatus sum in omnibus operibus tuis, in factis manuum tuarum meditabar.1
Expandi manus meas ad te ;2 anima mea sicut terra sine aqua tibi.
Velociter exaudi me, Domine, defecit spiritus meus.
A Non avertas faciem tuam a me, et similis ero descendentibus in lacum.
Auditam fac mihi mane misericordiam tuam, quia in te speravi.
Notam fac mihi viam in qua ambulem, quia ad te levavi animam meam.
Eripe me de inimicis meis, Domine, ad te confugi ; doce me facere voluntatem tuam, quia Deus meus es tu.
Spiritus tuus bonus deducet me in terram rectam ; propter nomen tuum, Domine, vivificabis me in æquitate tua.
B Educes de tribulatione animam meam, et in misericordia tua disperdes inimicos meos.
Et perdes omnes qui tribulant animam meam, quoniam ego servus tuus sum.
Gloria Patri.
Ant. Christo confixus sum cruci; vivo autem, jam non ego, vivit vero in me Christus : quod autem nunc vivo in carne, in fide vivo Filii Dei, qui dilexit me et tradidit semetipsum pro me.3
Capitulum.
C Assumpsit Jesus duodecim, et ait illis : Ecce ascendimus Jerosolymam, et consummabuntur omnia quæ scripta sunt de Filio hominis : tradetur enim gentibus, et illudetur, et conspuetur, et flagellabitur, et occident eum.
ß. Deo gratias.
ß. Aperuerunt super me ora sua exprobrantes, percusserunt maxillam meam ; † Satiati sunt pœnis meis.4
†. Conclusit me Deus apud iniquos, et manibus impiorum me tradidit. Satiati.
†. Gloria Patri. Pœnis.
†. Tu autem, Domine, ne elongaveris auxilium tuum a me.
ß. Ad defensionem meam conspice.5
†. Domine, exaudi, etc.
ß. Et clamor meus, etc.
Jesu dulcissime, per tuam te quæso ignominiosissimam præsentationem qua pro me Pilato ligatus atque consputus tanquam impius oblatus es, ut nos sic vivere præstes quo metuendo tuo tribunali præsentemur securi. Qui vivis.
†. Domine, exaudi, etc.
B. Et clamor meus, etc.
†. Benedicamus Domino.
B. Deo gratias.
†. Animæ omnium fidelium, etc.
AD TERTIAM.
Ave, benignissime, etc.
†. Adjuva me, etc.
B. Salvum me fac, etc.
†. Deus, in adjutorium, etc.
B. Domine, ad adjuvandum, etc.
†. Gloria Patri.
Hymnus.
Ave, caput inclinatum, Despective coronatum Spinis infidelium, Multis locis perforatum, Circumquaque cruentatum, Exemplar humilium. Passionis tuæ fructus, Et cruoris tui fluctus Defluens largissime, Finem agat nostri luctus; Christe ob nos in hæc ductus, Subveni clementissime. Tibi, Jesu rex Sanctorum, Spes votiva peccatorum, Patri almoque Flamini, Principatus sæculorum; Honor, virtus, laus, cunctorum Veritatis examini. Amen.
Ant. Non corruptibilibus.
Footnotes
Chapter 5 of 11