Metrum 3

Quum polo Phœbus roseis quadrigis Lucem spargere cœperit, Pallet albentes hebetata vultus Flammis stella prementibus.

Quum nemus flatu Zephyri tepentis Vernis irrubuit rosis, Spiret insanum nebulosus Auster, Jam spinis abeat decus.¹²³⁴⁵

Sæpe tranquillo radiat sereno Immotis mare fluctibus; Sæpe ferventes Aquilo procellas Verso concitat æquore. Rara si constat sua forma mundo,

Si tantas variat vices, Crede fortunis hominum caducis, Bonis crede fugacibus. Constat, æterna positumque lege est, Ut constet genitum nihil.

Footnotes

1. Cf. p. 194 A'. ↩

2. Job III, 10. ↩

3. Luc. xvi, 25. ↩

4. Prov. xxiv, 16. ↩

5. Jacob. III, 2. ↩