Distinctio 7

Hic solet quæri, etc.

A D hoc quod quæritur, an Pater potuerit aut etiam voluerit generare Filium, affirmative respondendum est. Nec ex hoc sequitur, Patrem aliquid posse aut velle quod Filius non possit aut non velit : quia ibi posse et velle generare non est aliquid, sed ad aliquid. Hinc quod Filius non potest nec vult generare, non arguit in eo impotentiam, quum ejusdem sit potentiæ cum Patre; sed pertinet ad proprietatem suæ personæ, cujus est posse et velle nasci, quod quidem in eo est eadem potentia, quæ in Patre est potentia qua potest et vult generare, sicut et in utrisque est eadem sapientia et natura. In Filio ergo non est potentia generandi, si ad proprietatem referatur intelligentia : quamvis bene, si ad naturam. Tunc enim idem sunt, posse generare et posse generari.

Patri eadem et Nato divina potentia, gigni Qua potuit soboles, et generare parens.