Distinctio 29

Oportet autem consensum, etc.

CONSENSUS per coactionem extortus, Matrimonium non facit; nec consensus appellandus est qui sic extorquetur. Verumtamen si post hujusmodi coactionem liber consensus supervenerit, utpote si simul cohabitent et non reclament, consensus jam liber factus videtur, et priorem defectum emendare. Debet autem consensus esse liber nedum in nuptiis, sed et in sponsalibus. Dicitur etiam ille consentire, qui manifeste et evidenter non contradicit. Unde et sponsalia talis consensus confirmare dicitur.

Non erit assensus peragens connubia, qualem Præbet, verberibus sæpe gravatus homo.