Lettre XCIX. Au Duc de Savoie, Charles-Emmanuel Ier

(MINUTE)

Témoignages de reconnaissance.

[Juillet] 1597.

Monseigneur,

Je remercie tres humblement Vostre Altesse du favorable jugement qu'elle fit de moy dernierement , quand la nouvelle se donna que Monseigneur le Rme Evesque de Geneve estait en danger de mort . Et sachant que cest heur de comparoistre en vostre memoire en une si honnorable occasion ne peut partir que de la bonté de Vostre Altesse, qui aura peut [être] esté persuadëe qu'il y aye quelque suffisance en moy, proportionëe a ceste sienne faveur, je rougis d'honte d'en estre tant indigne (un léger trait deplume a été passé probablement par distraction sur les sept mots qui précèdent) , et loue Dieu neanmoins qui a donné a Vostre Altesse ceste resolution de vouloir procurer des bons pasteurs a vostre peuple ; car encores que je soys le plus indigne de tous ceux qu'elle pouvait se reduyr'en souvenance, si est ce que l'intention droitte de Vostre Altesse ne laisse pas d'en estre tres recommandable.

J'ay escrit pieça a Vostre Altesse des necessités du Chablais, et quoy que je ne doute point que le zele dont Nostre Seigneur a eschauffé son coeur ne luy en tienne tousjours la memoyre fraiche, si ay je prié monsieur le baron de Chevron de la luy reprcesenter.

Je prie sa divine Majesté qu'elle conserve et confere toute benediction a Vostre Altesse, delaquelle je suis,

Monseigneur,

Tres humble et tres obeissant serviteur et sujet.

Revu sur l'Autographe conservé à la Visitation d'Annecy.