Lettre DCLXXVIII. À Monseigneur Jean-Pierre Camus Évêque de Belley

Recommandation en faveur d'un ancien serviteur d'Antoine Favre.

Annecy, 12 avril 1611.

Monseigneur,

Cet honnest'homrne parisien a servi longuement, fidelement et aggreablement monsieur le premier Prresident de Savoye, et pour quelque sujet hors de luy, il quitte maintenant ce service, et a desiré de moy cette lettre pour vous faire la reverence en vous la presentant, estimant que, si d'adventure vous avies besoin de quelque serviteur de sa sorte, par cett'occasion il pourroit entrer au bien de l'estre. Or, Monseigneur, cet (sic) ainsy sans artifice que je vous dis l'artifice louable de ce bon personnage, auquel je sçai bon gré dequoy, par ce moyen, je puis me ramentevoir en vostre sainte, sacree et inviolable bienveuillance, a laquelle je me recommande tres humblement, luy dediant mon obeissance et service perpetuel.

Dieu vous conserve et comble de ses graces, Monseigneur, et je suis

Vostre tres humble et tres obeissant

frere et serviteur,

FRANÇs, E. de Geneve.

XII avril 1611.

A Monseigneur

Monseigneur le Rme Evesque et Seigr de Belley,

Prince du St Empire.

Revu sur l'Autographe conservé à la Visitation de Meaux.