Lettre MXXIII. À la Mère de Chantal

Réponse à donner à une personne qui combat une vocation.- Respect dû à la liberté des àmes.

Annecy, [après la mi-décembre] 1614

.

Je luy respondray que la vocation de cette fille n'est pas mon œuvre, ains de Dieu, comme je pense ; que je ne n'oserois contribuer une seule parole pour la ruiner. Qu'elle s'en addresse donq a Nostre Seigneur, qui tient les cœurs des siens en ses mains pour les tirer ou bon luy semble. Mays vous, ma tres chere Mere, escrives-luy fort doucement que vous n'aves rien contribué a la vocation et que vous craindries trop d'offencer Dieu en la dissuadant ; qu'ell'est en sa liberté, delaquelle elle peut user a son gré, et que si Dieu la veut en nostre Congregation, ce vous seroit une grande charge de conscience a l'heure de vostre mort de la repousser ; que vous la supplies de s'en accommoder a ce que Dieu en disposera. Et quelque chose de vostre esprit et du mien. Bon soir, ma tres chere Mere, toute mienne, moymesme.

Revu sur l'Autographe conservé à la Visitation de Rennes.