Lettre MXV. À Monseigneur Pierre Fenouillet, Évêque de Montpellier
(INÉDITE)
Pénurie de prédicateurs dans la province des Capucins de Thonon. - Intervention du Saint en faveur des Cordeliers savoyards, menacés d'une séparation préjudiciable à leurs études. - Une besogne qui n'est pas déplaisante à son auteur. - Pourquoi le Traitté de l'Amour de Dieu
pourrait avoir moins de succès que l'Introduction à la Vie devote.
Annecy, vers mi-novembre 1614 .
Monseigneur,
J'ay fait une supplication a Monseigneur le Cardinal de Joyeuse , protecteur des RR. PP. Capucins, affin de pouvoir obtenir le P. F. Georges de Saint Joyre la Faverge pour le Caresme 1616 . Je vous supplie tres humblement d'interceder en ma faveur ; mais ce que je ne desire pas que Monseigneur le Cardinal sçache, je vous le diray confidemment. C'est que cette petite Province de la Mission a grandement besoin de predicateurs, et ne sçay ou donner de la teste pour en avoir, estant separee des autres Provinces, et n'ayant que des Italiens et Savoyards, ou Bressans. Pour cela, le Pere Provincial m'a conjuré de faire ce bon office, et m'a marqué specialement que j'employasse vostre intercession, comme je fay, vous la demandant, Monseigneur, tres humblement et tres affectionnement.
Item, les Cordeliers de ce païs de Savoye ont eu nouvelles que leur Provincial sollicite messieurs du clergé de France affin quilz fassent retrancher leurs couvens de la Province de Saint Bonaventure es Estatz qui se celebrent ; en suite de quoy, les Cordeliers savoyards n'auroyent plus acces a l'estude de Paris , ou ilz ont eu tant de doctes et braves docteurs qui ont regenté et gouverné en ce couvent la, comme je l'ay veu moy mesme . Or, je laisse a part l'interest de ce païs, lequel pourtant me touche fort ; mais j'ay un particulier interest pour ce diocœse, en faveur duquel feu Monseigneur Ange Justinien , mon predecesseur, fonda l'entretenement de bon nombre d'escoliers Cordeliers en l'estude de Paris. C'est pourquoy, Monseigneur, je vous supplie tres humblement d'employer vostre authorité et dexterité pour emp'escher ce coup, le dessein duquel ne peut proceder que d'envie ou de telle tentation ; car c'est honneur a l'estude de Paris d'estendre ses rameaux hors du royaume. Et nos Savoyards se sont comportés tous-jours fort honnorablement, n'ayant rien fait qui leur puisse causer ce mal, sinon qu'ilz ont esté trop braves et ont obtenu les principales charges .
Il y a encor l'affaire de nostre Chapitre pour ce petit benefice de Gex, dont j'escris a nostre grand et parfait amy ; s'il vous plaist, Monseigneur, vous y contribueres vostre faveur.
Et pour le regard du livre de l'Amour de Dieu, je le revoy et fay transcrire, pour l'envoyer, Dieu aydant, ce Caresme a l'imprimeur, qui aura charge de vous faire presenter des premieres copies ( note 642 ). Je vous confesse a vous, Monseigneur, que cette petite besoigne ne me desplait pas beaucoup ; mays j'ay grand peur qu'elle ne reuscisse pas si heureusement que l'autre precedente , pour estre, a mon advis, un peu plus nerveuse et forte, quoy que j'aye tasché de l'adoucir et fuir les traitz difficiles. J'attendray l'oracle de vostre jugement pour le corriger avant quil viellisse, si vous me faites lhonneur de le voir et de me faire sçavoir les defautz que j'y auray commis, avec autant de liberté comme avec une veritable sousmission je souhaite vostre censure.
C'est par nostre M. de Medio que je vous escris, Monseigneur ; il prendra, je m'asseure, playsir a vous dire nos petites miserables nouvelles. C'est pourquoy, puisqu'aussi bien vous ay-je des-ja asses entretenu de nos menues affaires, je m'en remetz a luy, me contentant de me souscrire,
Monseigneur, Vostre tres ……………………………….
Revu sur une ancienne copie conservée à la Visitation de Montpellier .
Chapter 143 of 209