Lettre MCDXXVIII. Au Duc de Nemours, Henri de Savoie

Recommandation en faveur d'un avocat.

Annecy, 11 mai 1618.

Monseigneur,

En cette vacance de l'estat d'advocat de Vostre Grandeur en ce Conseil de Genevois, advenue par la promotion de monsieur Ouvrier a celuy de senateur , je croy que le sieur Mottier sera proposé a Vostre Grandeur ; et je puis dire que si elle luy fait la grace de le recevoir en cette charge, ell'en sera extremement bien servie, non seulement par ce que c'est l'un des plus dignes advocatz que nous ayons en ce païs, mais aussi par ce qu'il affectionnera ardemment son devoir . Et les effectz de ce veritable tesmoignage en seront mes garens ; qui me fait le proferer hardiment, priant au reste la divine Bonté qu'elle face abonder Vostre Grandeur en benedictions, et demeurant,

Monseigneur,

Vostre tres humble et tres obeissant orateur et serviteur,

FRANÇS, E. de Geneve.

XI may 1618, Annessi.

Revu sur l'Autographe conservé à Paris, Bibliothèque Nationale, Fonds français, 3809, fol. 80.