Caput III. Eumdem Othonem a Summo Pontifice Joanne XII ad imperium provectum ostendit

Jam vero demonstrandum superest, hunc ipsum Othonem a Pontifice Romano ad imperium vocatum, provectumque fuisse. Id vero historici omnes una voce tradunt, atque ut a posterioribus sursum versus ascendamus. Guspinianum modo dicentem audivimus, ab Othone quidem recuperatum imperium, sed Pontificis Maximi- auctoritate. Albertus Krantzius lib. iv. Saxoniae cap. 9: Cum appropinquaret, inquit, Urbi insigni pompa a Romanis est introductus, et imperii coronam cum consecratione, et imperatorio honore suscepit.

Joannes Nauclerus in Chronographia sua,