Metrum 3

Tunc me discussa liquerunt nocte tenebræ, Luminibusque prior rediit vigor : Ut quum præcipiti glomerantur sidera Cauro Nimbosisque polus stetit imbribus,¹²

Sol latet, ac nondum cœlo venientibus astris, Desuper in terram nox funditur; Hanc si Threicio Boreas emissus ab antro Verberet, et clausum reseret diem, Emicat, et subito vibratus lumine Phœbus Mirantes oculos radiis ferit.