V. statutorum congregationis jesu et mariae

Caput secundum 8. (1645).

De omnimoda Congregationis subjectione SSmo Domino Nostro Papae, ejusque dependentia ab Illustrissimis Dominis Episcopis.

Cum divina Providentia huic Congregationi ortum dederit quo tempore multi suborti sunt haeretici et impii, qui non solum reverentiam et obedientiam Sancta Sedi Apostolicae debitam praestare nolunt, sed pravis artibus et scriptis toto animo contendunt auctoritatem destruere, quam Christus Dominus Divo Petro et ejus Successoribus contulit: omnes ejusdem Congregationis alumni totis viribus has impietates impugnare, et collatam a Deo Sanctae Sedi Apostolicae auctoritatem propugnare conabuntur adversus haereticos, schismaticos et impios, tum exemplo perfecta subjectionis, tum suis concionibus, exhortationibus, doctrina christianae institutionibus, colloquiisque familiaribus, idque tanta vi et alacritate, ut hac i n causa sanguinem vitamque fundere parati sint, si necessitas id postulet.

Quandoquidem Congregatio inter limites ordinis hierarchici continere se perpetuo statuit, idcirco, post honorem, cultum et obedientiam SSmo Domino Nostro Papae velut Summo Pontifici et Christi Vicario in terris debitam, fixum et ratum habet perpetuo ab Illustrissimis Episcopis dependere, quos velut colendissimos Dominos et Reverendissimos Patres reveretur, et quorum auctoritate vult subjici, sicut caetera Congregationes quae ab eorum jurisdictione pendent.

Quapropter unaquaeque Congregationis familia suberit jurisdictioni Illustrissimi Domini Episcopi in cujus dioecesi erit erecta, qui in illam omne visitationis, correctionis et aliud quodcumque jus Episcopale exercebit.

Si contigerit (quod Deus avertit) ut aliquis aut plures dicta Congregationis, quocumque i i essent numero, convincantur voluisse se ab hac dependentia et jurisdictione eximere, aut aliis illud persuadere, nisi ea de re poeniteant et debite satisfaciant, a Congregatione, cujuscumque officii et dignitatis sint, ne Superiori quidem generali excepto, expellentur.