Lettre CCCLXIII. Au Duc de Savoie, Charles-Emmanuel 1er

Pauvreté du prieuré de Bellevaux attestée par le Saint.

Loëx, 28 septembre 1606.

Monseigneur,

Je receu, l'annee passee, commandement de Vostre Altesse de m'enquerir soigneusement des charges et revenuz du prieuré de Bellevaux

(Lettres 2, note 301) ; ce que je fis, et treuvay qu'a la verité les charges emportoyent tout le revenu, ou peu s'en faut. Et cett'annee, estant allé en personne audit prieuré pour les visiter , j'ay encor mieux reconneu la grandeur de la pauvreté d'iceluy, y ayant veu les edifices presque tous ruinés, a la reparation desquelz le revenu de plusieurs annees ne sçauroit suffire. Dequoy le Prieur ayant desiré que je rendisse tesmoignage a Vostre Altesse, je ne l'ay pas sceu refuser, puisque la verité est bien telle.

Je prie incessamment sa divine Majesté qu'elle veuille de plus en plus prosperer Vostre Altesse, de laquelle je suis,

Monseigneur,

Tres humble et tres obeissant serviteur et orateur,

FRANçs, E. de Geneve.

A Loex, le 2 8 septembre 1606.