Lettre DCCI. À Madame de Bertrand de la Perrouse

(INÉDITE)

Les insistances d'un jeune gentilhomme. - Prudence et charité du Saint dans une affaire délicate.

Annecy, 27 juillet 1611

On est bien empesché avec ces amoureux, ma chere Fille ! Voyci ce jeune gentilhomme qui me demande une lettr'a vous pour vous rendre plus recommandables ses praetensions , et moy je me resouviens bien de ce que vous m'escrivistes lautrefois, quil faillait conduire l'affaire tout bellement et le presser a loysir. C'est pourquoy je ne vous prie sinon de luy donner les advis convenables a sa conduite pour ce regard, et a moy ceux [de] ce quil pourra esperer, affin que la poursuite ou la retraitte se face a cette mesure-là.

Mays cependant, ma tres chere Fille, je suis bien ayse de vous escrire ainsy de tems en tems, et vous resouvenir de mon ame, qui ne cesse point de souhaitter mille perfections a la vostre, pour la gloire de Nostre Seigneur qui m'a rendu,

Ma tres chere Seur, ma Fille,

Vostre humble frere et serviteur,

FRANÇs, E. de Geneve.

XXVII julliet I611, a Neci.

Je ne sçai si monsieur vostre mari est là; en ce cas, je le salue bien humblement, et suis son serviteur en tous cas.

Revu sur l'Autographe appartenant à Mme la comtesse de Noailles, château de Buzet (Lot-et-Garonne).