Lettre DCCXIV. Au Duc de Savoie, Charles-Emmanuel 1er

Eboulement à Sixt - Détresse des habitants qui en est la suite. - Le Saint recommande ses diocésains à la charité du duc de Savoie.

Thonon, 16 septembre 1611.

Monseigneur,

Ayant veu a Six l'espouventable et irreparable accablement survenu il y a quelques annees, par la cheute d'une piece de montagne , je n'ay sceu refuser aux habitans du lieu, qui recourent a la clemence de Vostre Altesse pour, a proportion, estre deschargés des tailles, mon veritable tesmoignage en faveur de leur trop juste prœtention. C'est pourquoy j'asseure que ce malheur leur a osté une tres notable partie de leurs biens et, de miserables qu'ilz estoyent, les a rendus la misere mesme, sur laquelle, comme sur un dign'objet, la charité de Vostre Altesse exercera, comm'ilz esperent, son aumosne.

Je supplie Nostre Seigneur quil benisse de ses grandes perfections et benedictions la couronne de VostreAltesse, de laquelle je suis invariablement,

Monseigneur,

Tres humble, tres obeissant et tres fidele orateur

et serviteur,

FRANÇs, Evesque de Geneve.

A Thonon, le XVI septembre 1611

A Son Altesse Serenissime.

Revu sur l'Autographe conservé à Londres, au Musée Britannique .