Lettre MCCXVI. À la Mère de Chantal

(INÉDITE)

Le " petit empressement" de Mme de la Fléchère. - Une visiteuse qu'il faudra bien accueillir.

Annecy, commencement de juillet 1616 .

Ma tres chere Mere,

Vous verres par ces deux lettres le petit empressement que Mme de la Flechere a pour marier son neveu a nostre fille ; il luy est advis qu'il ne faut qu'estre filz de nostre Mere pour estre bien heureux. Or, elle m'en escrit comme si je luy avois promis quelque chose, ou qu'elle se fut fort avancee avec moy en paroles ; et il y a au fin moins 6 moys que je n'en ay rien appris. Mays il faut treuver bon tout cela, et qu'elle s'addresse plus tost a moy qu'a vous, car aussi faut-il. Toutefois je ne sçai que luy dire sur sa proposition, si vous ne le me dites. Je vous expliqueray sa premiere lettre demain a quelqu'heure, Dieu aydant. Ce pendant, escrives moy vostre conception, affin que je face repartir le laquay, lequel est arrivé tandis que j'estais occupé parmi cette bonne compaignie que nous avons eu a disner.

Si la bonne Mme de Rochefort vous va voir, faites la entrer et caresses-la bien, car cet (sic) une bonne fille ; ma Seur Claude Simplicienne est sa voysine, et Mme de la Forest , de sa connoissance. Je ne sçai si Mme de la Forest vous aura point parlé de ces amours que la bonne seur affectionne si fort.

Or, bon soir, ma tres chere Mere; Dieu vous comble de benedictions comme moymesme. Amen.

Revu sur l'Autographe conservé à la Visitation de Nice.