Lettre MMIII. À une Cousine

Le courage vaut mieux que la consolation. - Exemple de Rébecca.- Vocation divine et guide céleste .

Ma tres chere Seur, ma Cousine et ma plus chere Fille,

Venes en la montaigne que Dieu vous monstrera ( Gn 22,2 ), . pour y consacrer ces petitz momens de vie qui vous restent, en faveur de la tressainte eternité qui vous est preparee.

Ne vous mettes point en peyne dequoy vous n'aves pas les sentimens de devotion et consolation presentement; car le courage fort que vous aves vaut mieux que tout cela. Penses vous pas que la pauvre jeune et belle Rebecca pleura bien fort lhors qu'elle se separa de son pere, sa mere et son païs ? mais, parmi tout cela, elle ne laissa pas de dire courageusement : J'y iray ( Gn 24,58 ) ; et elle. fut digne. d'estre espouse d'Isaac. Quittés ces empressemens et achevés vos affaires en tranquillité, comme voyant Nostre Seigneur a vostre costé qui vous ayde a les faire.

Je prieray, quoy que indignement, pour N. N. , et les serviray par tout ou je pourray.

Dieu, de sa main toute puissante, vous veuille retirer a soy et vous amener au lieu auquel il vous a appellee ; l'Ange qui vous a assistee en vos resolutions soit luy mesme vostre guide en l'execution. Je suis sans fin, ma tres chere Fille,

Vostre plus humble cousin et serviteur,

FRANçs, E. de Geneve.