Lettre MMLXXI. S'abandonner à Notre-Seigneur et Dépendre de sa Providence. – une " Resolue Resolution ". - en Quoi Consiste l'Amour de Dieu. - la Seule Gloire à Chercher. - Aspirations Suggérées pour S'unir à la Volonté Divine

[1608-1610.]

a)

( Ms de Nancy ) Alles fort doucement et paysiblement, continues vos exercices; laysses a Nostre Seigneur toutes vos affections et vos desirs. Unisses vous tant qu'il vous sera possible a luy, resignes vous en toutes choses a sa divine volonté, dependes absolument de sa disposition et vous confies pleinement a la providence et amour de sa divine Majesté, luy donnant vostre cœur cent fois le jour. Que vostre affection soit en la partie superieure, par une ferme et resolue resolution de n'abandonner jamais la confiance et l'obeissance que vous deves.

b)

Nous ne sçavons pas que c'est d'aymer Dieu. Il [l'amour] ne consiste pas aux plus grans goustz et sentimens, mais en la plus grande et ferme resolution et

desir de contenter Dieu en tout, et tascher, autant que nous pouvons, de ne l'offenser point, et de prier que la gloire de son Filz aille tous-jours augmentant. Ces choses sont signes d'amour.

Penses souvent aux vertus de Nostre Seigneur par forme d'entretien, et a celles des Saintz.

Rejettes souvent toute sorte de gloire, et protestes que vous ne voules autre gloire que celle de Nostre Seigneur. Quittes, renonces aussi ce qui vous pourroit apporter quelque gloire, selon les occasions petites ou grandes.

Unisses vous souvent a la volonté de Nostre Seigneur aux occasions petites et grandes, et par aspirations, disant : Seigneur, je suis vostre

( Ps 118,94 ) ! Je veux ce que vous voules. Faites en moy vostre volonté. Unisses-moy a vous.