Caput XXIV

Quomodo uxorem comitis per presbyterum suum aqua benedicta sanavit.

Doctor ubique pius coelestia dona ministrans,
Per comitis tulit arva gradus, quem languida conjux
Tristabat perpessa luem lethoque propinquans.
Alma salutiferae cui vatis munera lymphae,
Presbytero famulante, dedit, tabemque removit:
Moxque illi obsequium praebebat femina sospes.