Metrum 6

Omne hominum genus in terris Simili surgit ab ortu : Unus enim rerum pater est, Unus qui cuncta ministrat. Ille dedit Phœbo radios; Dedit et cornua lunæ. Ille homines etiam terris Dedit, et sidera cœlo. Hic clausit membris animos

Celsa sede petitos. Mortales igitur cunctos Edit nobile germen. Quid genus et proavos strepitis? Si primordia vestra Auctoremque Deum spectes, Nullus degener exstat, Ni vitiis, pejora fovens, Proprium deserat ortum.