108. Hymnus de Iesu et maria et sanctis patronis ecclesiae

YS
Iesu mi dulcissime,
SSAA spes et solamen animae,

da mihi te diligere
et extra te nil quaerere.

Maria, sis propitia,
Maria, dele vitia,
succurre nobis miseris,
defende nos ab inferis.

Agnes, virgo mitissima
et Christo dulcissima,
pro tuis ora servulis,
ut floreant virtutibus.

O Maria Magdalena,

audi vota, laude plena,
apud Christum locum istum
tuis commenda precibus.

O beata Caecilia,
devota Christi famula,
per tua sacra merita
Deo nos reconcilia.

Sancte pater Augustine,

lux doctorum, scriba vitae,

pro nobis ora jugiter,

ut vivamus concorditer.

C7SLCTESCTSSOWS CVI LRKD

O beate Hieronyme,
doctor orbis magnifice,
ad te clamantes respice
et ad superna erige.

Ambrosi, doctor nobilis,
vita, fama laudabilis,
sacris Christi sermonibus
nos instrue uberius.

O Gregori dulcissime,
dulci fulgens eloquio,
perduc nos recto tramite
perenni frui gaudio.

Bernarde, doctor inclite,
amator Iesu fervide,
devotos tuos refice
panis vitae dulcedine.

Antoni, Christi famule,
monachorum sanctissime,
a saevis nos daemonibus
custodi horis omnibus.

Francisce devotissime,
pauper atque humillime,

fac nos mundum contemnere

et crucem Christi tollere.

O beate Dominice,
praedicator egregie,
alumnos tuos instrue

disciplinate vivere.

O Radbode, Lebuine,

pulchrae rosae, gemmae binae,
orantibus subvenite,

portas caeli aperite.

O Benigne, Werenfride,
hostes nostros prosternite,
mala procul repellite,
aeterna bona poscite. Amen.