91. Mater sancta, dulcis Anna

Mater sancta, dulcis Anna,
l sis nostra advocata,

in hac vita miserrima “

a nobis implorata.

Iesu tu fac nos servire

in cordis puritate

ac vera caritate,

nostram culpam tu fac nullam,

nam tu vere satis pie

noveris subvenire

miseriae multae nostrae,

ne sinas nos perire. VERSVS.

Tu Mariam, maris stellam,
miseris edidisti,

puerperam Christi cellam

sancte peperisti,

ipsi tu nos miseros

sub alis commendare

suis ut velit dare
per merita sua clara,

ut nos pio dulci Iesu

servire mereamur,

ut post mortem terribilem

ad ipsum reducamur. VERSVS.

Iesu bone, dulcissime,

per merita beata

matris Annae ac Mariae,

quae sunt tibi grata,

fac nos tuae sanctissimae
matris matri servire,

per ipsam fac redire

nos ad te, ut nec longe

per peccata gravissima

a te digrediamur,
per Mariae matrem pie

sed ad te reducamur.