Lettre CLXXII. À M. Claude d'Orlié

(INÉDITE)

Remerciements pour l'affection qu'il lui porte. - Assurance de dévouement.

Annecy, 3 janvier 1603

Monsieur,

Je dois beaucoup a la constance de l'amitié quil vous plait me porter, qui me maintient si vivement en vostre souvenance ou je desirerois bien avoir pris place par quelque bon service que je vous eusse fait. Ce sera tousjours, Monsieur, quand il plaira a Nostre Seigneur de m'en donner les occasions, que je m'y porteray avec beaucoup d'affection et de fidelité. Je vous supplie de le croire et d'en tirer les preuves par les effectz ou vous me jugerés sortable.

Cependant, Monsieur, puisque vous me faittes cest honneur de vous res-jouir de ma promotion a cest evesché, faittes moy encor ceste faveur de m'assister de vos advis et prieres pour m'en bien acquitter, comme en contre change je prieray toute ma vie Dieu pour vostre santé, et me diray,

Monsieur,

Vostre humble serviteur en N. Sgr

FRANçs DE SALES,

Ev. de Geneve.

A Neci, le 3 de l'an 1603. A Monsieur.

Monsieur d'Orlié, Conseillier de S. A. et Senateur

au souverain Senat de Savoye.

A Chambery.

Revu sur l'Autographe conservé à la Visitation d'Annecy.