Lettre CCVI. À Madame de Boisy, sa Mère

Allusion aux tribulations endurées durant la mission du Chablais. Témoignages d'affection.

[1603 ] Je vous escris cecy, ma tres chere et bonne Mere, en montant a cheval pour Chamberi. Ce billet n'est point cacheté, et je n'en ay aucune inquietude ; car, par la grace de nostre Dieu, nous ne sommes plus en ce fascheux tems ou il nous failloit cacher necessairement pour nous escrire en termes d'amitié, et pour nous dire quelque parole de consolation. 0 vive Dieu, ma bonne Mere ! Il est vray que le souvenir de ce tems la produit tous-jours quelque sainte douceur a ma pensee.

Tenés vous joyeuse en Nostre Seigneur, ma bonne Mere, et sçachés s'il vous plaist que vostre pauvre filz se porte bien, par la divine misericorde, et se prepare de vous aller voir le plus tost et le plus longuement qu'il luy sera possible, car je suis tout a vous. Je le doy, et vous le sçaves que je suis

Vostre filz,

FRANÇOIS, Evesque